होली खेल्ने क्रममा झडप हुँदा दुई युवकको मृत्यु भएको प्रकरणमा अनुसन्धान गर्न जिल्ला प्रहरी कार्यालयको टोली सोमबार बिहान घटनास्थलतर्फ लागेको छ । बडिगाड गाउँपालिका–१० दर्लिङ र निसीखोला गाउँपालिका–७ को राजकुतका युवाबीच झडप भएको थियो ।
आइतबार होली मेलामा झडप हुँदा निसीखोला गाउँपालिका–७ का ३६ वर्षका प्रकाश कुँवर र ३४ वर्षका दीपक परियारको मृत्यु भएको छ । झडपका क्रममा बागलुङ, गुल्मी र प्युठानको सिमाना बलधुरेमा भिरबाट खसेर दुई युवकले ज्यान गुमाएका हुन् । उक्त घटनामा केही घाइतेसमेत भएको अनुमान छ ।
