कोरोना जोखिम कम गर्न सीसीएमसीलाई स्वास्थ्य मन्त्रालयको ८ बुँदे सुझाव दिएको छ, जसअनुसार पर्यटन क्षेत्रअन्तर्गत सञ्चालन हुने रात्रिकालीन कार्यक्रम राति ९ बजेपछि बन्द गर्न लगाउने, सीमा क्षेत्रमा कडाइ गर्ने, विमानस्थलमा कडाइ गर्ने, पूर्व तयारीको योजना बनाउन सुझाव दिएको छ।
छिमेकी देश भारत तथा अन्य युरोपेली देशहरुमा कोभिड–१९ को संक्रमण वृद्धि भएसँगै त्यसको प्रभाव नेपालमा पनि पर्न सक्ने भन्दै स्वास्थ्य मन्त्रालयले कोभिड–१९ संकट व्यवस्थापन केन्द्र निर्देशक समिति (सीसीएमसी)लाई बिहीबार ८ बुँदे सुझाव दिएको छ।
मन्त्रालयले विशेषगरी तराईका जिल्लाका नेपाल र भारतबीच सीमा नाकाबाट नेपाल प्रवेश गर्ने क्षेत्रमा निगरानी बढाउने र केन्द्रबाट अनुगमन गर्ने, त्रिभुवन अन्तर्राष्ट्रिय विमानस्थलमा आन्तरिक र अन्तर्राष्ट्रिय आगमन तथा प्रस्थान कक्षमा निगरानी बढाइ स्वास्थ्य परीक्षणमा थप सक्रियता बढाउने लगायत सुझाव दिएको छ ।
