धादिङको त्रिपुरासुन्दरी गाउँपालिका- १ सल्यानटार खोल्सी नजिक डोजरले ठक्करबाट एक महिलाको मृत्यु भएको छ। घटनास्थलमा रहेका स्थानीय बासीन्दाका अनुसार डोजरको ठक्करपछि घाइते भएकी महिलालाइ जिउदै अवस्थामा डोजरले माटो खनेर पुरिदिएको भन्दै डोजरमाथि आगजानी गरेका छन्।
मृत्यु हुनेमा ४५ वर्षिय सरस्वती कुमाल रहेकी छन्। सोमबार घाँस बोकेर फर्किँदै गर्दा उनलाई डोजरले पहिले ठक्कर दिएको र घाइते बनाएपछि उद्दार गर्न छाडेर माटोले पुरेर मारेको स्थानीयवासीले बताएका छन्। घटना कसरी भयो भन्ने बारेमा प्रहरीले विस्तृत जानकारी दिएको छैन।
ठक्करबाट घाइते भएकी महिलालाइ डोजर चालकले उद्धार गर्नुको साटो थप माटोले पुरिदिएर घाइते अवस्थामै हत्या गरेको भन्दै आक्रोशित स्थानीयले डोजरमा आगजनी गरिदिएका छन्। स्थानीय व्यवसायी रेशम सिंखडाका अनुसार घटना भएको करिब १८ घण्टा पुग्दा पनि शव उठेको छैन् ।
