काठमाडौं : शनिवार देशभर १६ जना कोभिड १९ का संक्रमित भेटिएका छन्। स्वास्थ्य तथा जनसंख्या मन्त्रालयको विवरणअनुसार २ हजार १८४ जनामा परीक्षण गर्दा १६ जनामा संक्रमण पुष्टि भएको हो। यस्तै आज ९ जना संक्रमित संक्रमणमुक्त भएका छन्। मन्त्रालयको विवरणअनुसार हाल देशभर ११० जना सक्रिय संक्रमित रहेका छन् जसमा काठमाडौं उपत्यकामा ४४ जना संक्रमित रहेका छन्। हाल देशभर ९६ प्रतिशतले कोरोनाविरुद्धको खोप लगाइसकेका छन्।
