नेपाल समाचारपत्र

मंसिर २०७८

बचतकर्ता आकर्षक ब्याजदरको लोभमा मात्र फस्नु हुँदैन

भक्तपुर । मध्यपुर थिमि–८ बोडेस्थित अष्टमंगल बचत तथा ऋण सहकारी संस्थाले नवौँ साधारण सभा सम्पन्न गरेको छ ।साधारणसभाको उद्घाटन गर्दै मेघा बैंकका निर्देशक डा. इन्द्रबहादुर मल्लले बैंक र सहकारी एक अर्काका परिपूरक भएको बताउनुभयो । निर्देशक मल्लले बचत गर्ने बानीलाई संस्थागत गर्न सके मात्र प्रतिफल पाउने बताउनुभयो । उहाँले बितिय भाषामा घरमै थन्किएको बचत र […]

पूर्ण विवरण

सम्बन्धित सामग्री

भक्तपुरमा दर्ता भएको सहकारीको म्याग्दीमा शाखा खोलेर ठगी

म्याग्दी । म्याग्दीको सदरमुकाम बेनीमा सञ्चालित शिव शिखर बहुउद्देश्यीय सहकारी संस्थाले बचतकर्ताहरुको बचत रकम हिनामिना गरेको मुद्धामा प्रहरीले अनुसंधान अघि बढाएको छ । बेनी स्थित न्यूरोडमा आफ्नै भवन बनाएर सेवा केन्द्र विस्तार गरि बचत संकलन र लगानीको सेवा दिँदै आएको सहकारी विगत पाँच महिनादेखि बन्द छ । बेनीको न्यूरोड स्थित सहकारीको कार्यालयको गेटमा ताल्चा लगाइएको छ । सहकारीका कर्मचारी र व्यवस्थापक चारमहिना यता सम्पर्क विहिन भएपछि बचतकर्ताहरुले बचत गरेको रकम ढुब्ने जोखिम बढेपछि प्रहरीमा उजुरी दिएका थिए । बचतकर्ताहरुले सहकारी ऐन सम्बन्धी कसुरमा जाहेरी दरखास्त दिएकोमा सहकारी विभागको अनुसन्धान सम्बन्धी सिफारिस पत्र समेत सङ्लग्न गरी केन्द्रीय अनुसंधान ब्युरोबाट भएको परिपत्र बमोजिम असार १७ गते जिल्ला प्रहरी कार्यालय म्याग्दीमा मुद्धा दर्ता भई अनुसन्धान प्रक्रिया अघि बढेको कार्यालयका सूचना अधिकारी प्रहरी निरिक्षक किरण लामाले जानकारी दिए । उनका अनुसार, कार्यालयमा अन्य बचत कर्ताहरुको समेत जाहेरी दरखास्त दर्ता गर्ने प्रक्रिया जारी रहेको छ । मध्यपुर ठिमी नगरपालिका–३ कौशलटार भक्तपुरमा दर्ता भएको शिव शिखर बहुउदेश्यीय सहकारीले बेनीमा सदस्य सेवा केन्द्र विस्तार गरेको थियो । शुरूवातमा बचतकर्ताहरुलाई आकर्षक ब्याजदरको लोभमा करोडौँ बचत संकलन गरेको सहकारीले पाँच महिना अघि आर्थिक संकटमा रहेको सूचना प्रकाशित गरेर सहकारीले आर्थिक कारोवार बन्द गरेको थियो । त्यसपछि सहकारी नै बन्द गरेर कर्मचारी र सञ्चालक सम्पर्क विहिन भएका हुन । सहकारी बन्द भएपछि बचतकर्ता पैसा ढुब्ने चिन्तामा छन् । एकवर्ष अघि न्यूरोडमा करिब ६ करोड रुपियाँमा ७ आना क्षेत्रफलमा रहेको जग्गा र घर खरिद गरेर सहकारीले शाखा सञ्चालन गर्दै आएको थियो । सहकारीले आकर्षक ब्याजको लोभ देखाएर बचतकर्ताबाट निक्षेप संकलन गरेको थियो । बचतकर्ता सेयरसदस्यको करिब साँढे ६ करोड रुपियाँ सहकारीमा निक्षेप रहेको अनुमान गरिएको छ । पैसा फिर्ता लिन सहकारीमा आएका निक्षेपकर्ताहरु निराश हुँदै फर्किन बाध्य भएका छन् । निक्षेप फिर्ता नगरेको भन्दै बेनी नगरपालिकाको न्यायिक समितिमा समेत सहकारी विरुद्ध उजुरी परेको थियो ।

Aarthik Abhiyan जेष्ठ २०८०

सिभिल सहकारी ठगी प्रकरण : इच्छाराज तामाङकी श्रीमती पक्राउ

काठमाण्डाै – सिभिल सेभिङ एन्ड क्रेडिट सहकारी संस्थाकाे ठगी प्रकरणमा संस्थाका पूर्वअध्यक्ष इच्छाराज तामाङकी श्रीमती सिर्जना शाक्य (तामाङ) पक्राउ परेकी छन् । ठगीसम्बन्धी कसुर तथा सङ्गठित अपराधमा फरार रहेकी शाक्यलाई नेपाली प्रहरीकाे केन्द्रीय अनुसन्धान ब्युराे (सीआईबीले) आज मङ्गलवार पक्राउ गरेकाे हाे । उनलाई काठमाण्डाैकाे रामशाहपथबाट पक्राउ गरिएकाे ब्युराेका प्रहरी उपरीक्षक (एसपी) श्यामकुमार महताेले जानकारी दिनुभयाे । साेल्टीमाेडमा रहेकाे सहकारीले आकर्षक ब्याज दर एवम् विभिन्न प्रलोभन देखाइ ठूलो सङ्ख्यामा बचतकर्ता...

उज्यालो अनलाइन आषाढ २०७९