हिमाली जिल्ला हुम्लाको एउटै गाउँपालिकाबाट ८२५ स्वाब सङ्कलन गरी काेराेना परीक्षणका लागि कर्णाली स्वास्थ्य विज्ञान प्रतिष्ठान जुम्ला पठाइएको छ । दुई दिन लगाएर सङ्कलन गरिएको स्वाब हवाईमार्गबाट सिधा जुम्ला टेकअफ गर्ने गरी पठाइएकाे हाे ।
सिमकोट गाउँपालिकाका आठ वटै वडामा जिल्ला बाहिरबाट भित्रिएर क्वारेन्टाइनमा बस्दैआउनुभएको व्यक्तिहरूको स्वाब सङ्कलन गरी कर्णाली स्वास्थ्य विज्ञान प्रतिष्ठान जुम्लामा सीता एयरमा पठाइएको गाउँपालिकाका स्वास्थ्य संयोजक दानबहादुर बोहराले बताउनुभयो ।
