चितवन। महिन्द्रा युटिलिटी भेहिकलको आधिकारिक वितरक अग्नि ग्रुपले नयाँ ट्वीन पिक्स शोरुमसँगै विभिन्न भेरियण्टका गाडी एसयुभी चितवनमा सार्वजनिक गरेको छ । भरतपुर महानगरपालिका–१२ स्थित शोरुमको शुभारम्भसँगै ती मोडलका एसयुभी सार्वजनिक गरिएको हो । कम्पनीले स्कारपियो एन, एक्सयुभी ७०० र एक्सयुभी ३०० मोडलका गाडी सार्वजनिक गरेको हो । गाडीको उद्घाटन इन्टरनेशनल अपरेसन अटो महिन्द्रा एण्ड महिन्द्राका प्रमुख सचिन आरोलकर, अग्नि ग्रुपका प्रबन्ध निर्देशक क्याबिनेट श्रेष्ठ लगायतले संयुक्त रूपमा सार्वजनिक गरेका हुन् ।
सो अवसरमा आरोलकरले नेपालमा मात्रै ५० हजारभन्दा बढी महिन्द्राको उत्पादन विक्री भएको बताए । उनले महिन्द्राको नयाँ एसयुभी भेरियण्ट नेपाल भित्त्याउँदा उत्साहित रहेको बताए । अग्नि ग्रुपका निर्देशक क्याबिनेट श्रेष्ठले चितवन र यस आसपासका जिल्लालाई लक्षित गर्दै शोरुम सँगै तीनओटा भेरियण्टका एक्सयुभीको विक्री शुरू गरिएको बताए ।
