दाङ : दाङमा बैंकबाट पैसा निकालेर घरतर्फ जाँदै गरेकी एक महिलालाई लुटपाट गर्ने लुटेरालाई प्रहरी पक्राउ गरेको छ। पक्राउ पर्नेमा घोराही उपमहानगरपालिका-९ बस्ने अन्दाजी २४ वर्षका गणेशकुमार डाँगी रहेको जिल्ला प्रहरी कार्यालय दाङले जनाएको छ। डाँगीले बिहीबार दिउँसो करिब ३ बजेतिर घोराही उपमहानगरपालिका-१३ बस्ने ४८ वर्षीया झुका रोकाले पैसा बोकेको झोला लुटपाट गरी भागेका थिए। उनलाई प्रहरीले घोराही-१३ बाटै पक्राउ गरेको जिल्ला प्रहरी कार्यालय दाङका प्रवक्ता एवं डिएसपी मुकुन्दप्रसाद रिजालले जानकार दिए।
