बारा प्रहरीले लागुऔषधसहित दुई जनालाई पक्राउ गरेको छ । ईलाका प्रहरी कार्यालय जीतपुर बाराबाट खटिएको प्रहरी टोलीले जीतपुरसिमरा उपमहानगरपालिका–७ मा ना ६ ख ६३७७ नम्बरको यात्रु बाहक बस चेकजाँच गर्दा १८०० पिस लागुऔषध बरामद भएको हो ।
बसमा डस्नाभित्र लुकाएर सो लागुऔषध तस्करी भएको पाइएको प्रहरीले जनाएको छ । बस वीरगन्जबाट काठमाडौंतर्फ जाँदै थियो । पक्राउ पर्नेमा भारतीय नागरिक मुन्ना कुमार र मुनिलाल कुमार रहेका छन् । यसबारे थप अनुसन्धान भइरहेको जिल्ला प्रहरी कार्यालय बाराले जनाएको छ ।
1609741711_1200.jpg)
