बीबीसी। इरान र उसको परमाणु कार्यक्रममाथि निगरानी राख्ने संयुक्त राष्ट्रसंघीय निकाय आइएइएबीच सम्झौताको अवधि समाप्त भएको छ। योसँगै आइएइएलाई परमाणु स्थलमा भएका गतिविधिको भिडियो र तस्वीर देखाउनुपर्ने बाध्यताबाट इरानमुक्त भएको छ। इरानी संसद मजलिसका सभामुख मोहम्मद बकार कलीबफले आइएइएसँगको सम्झौता शनिबार सकिएको जनाएका हुन्। गत वर्ष इरानको संसदले आइएइएसँगको सम्झौताको अवधि नबढाउने निर्णय गरेको थियो।
