काठमाडौं। कामना सेवा विकास बैंकले शनिवार काठमाडौं उपत्यका ट्राफिक प्रहरी कार्यालय, रामशाहपथमा वित्तीय साक्षरता कार्यक्रम सम्पन्न गरेको छ । ट्राफिक प्रहरीलाई वैंकिङ प्रणाली, वचत तथा कर्जा कारोबार र पछिल्लो समयमा बैंकिङ प्रणालीमा आएका डिजिटल बैंकिङका सम्बन्धमा जानकारी दिइएको बताइएको छ । बैंकका ब्राण्डिङ विभाग प्रमुख सुशिल पौडेलले बचतको महत्त्व, दैनिक जीवनमा गरिने बचत व्यवहार, कर्जासम्बन्धी कारोबार, कर्जा अनुशासन तथा डिजिटल बैंकिङको महत्त्व, अवसर र चुनौतीका वारेमा प्रस्तुतीकरण गरेका थिए । उक्त कार्यक्रममा काठमाडौं उपत्यका ट्राफिक प्रहरी कार्यालयका प्रहरी उपरीक्षक (एसपी) सन्तोष आचार्यले दैनिक जीवनमा बचत गर्नुपर्ने थाहा भए पनि कसरी बचत गर्न सकिन्छ भन्ने विषयमा ध्यान नदिएको भन्दै साक्षरता कार्यक्रमले वचतको महत्त्व वुझाउन सहयोग गरेको बताए ।
