गरिमा विकास बैंक र निर्धन उत्थान लघुवित्तका शेयरधनीको हितग्राही खातामा बोनस शेयर जम्मा

काठमाडौं । निर्धन उत्थान लघुवित्त वित्तीय संस्था लिमिटेड र गरिमा विकास बैंकले आफ्ना शेयरधनीहरूको हितग्राही खातामा गत आर्थिक वर्षको लाभांश जम्मा गरिदिएका छन् । निर्धन उत्थान लघुवित्तले गत फागुन १२ गते सम्पन्न २४औं वार्षिक साधारण सभाबाट पारित १९ प्रतिशत बोनस शेयर नेप्सेमा सूचीकृत गराई शेयरधनीहरूको हितग्राही खातामा पठाउन शुरू गरेको हो । फागुन १ गतेसम्म शेयर अभौतिकीकरण गराएका शेयरधनीहरूको हितग्राही खातामा कम्पनीले उक्त बोनस शेयर पठाउन शुरू गरेको हो । त्यो मितिपछि शेयर अभौतिकीकरण गराएका शेयरधनीको हकमा पनि क्रमशः बोनस शेयर जम्मा हुने कम्पनीले जानकारी दिएको छ । साथै कम्पनीले विगतका साधारण सभाबाट पारित नगद लाभांश तथा बोनस शेयर लिन बाँकी शेयरधनीले शेयर रजिष्ट्रारमा सम्पर्क गरी आआफ्नो लाभांश प्राप्त गर्न सक्ने पनि जानकारी दिएको छ ।  त्यस्तै गरिमा विकास बैंकले पुस २२ गते सम्पन्न १६औं वार्षिक साधारण सभाबाट पारित १३ प्रतिशत बोनस शेयर नेप्सेमा सूचीकृत भएपछि शेयरधनीहरूको खातामा पठाउन शुरू गरेको हो । पुस ८ गतेसम्म कायम शेयरधनीहरूमध्ये शेयर अभौतिकीकरण गराएका शेयरधनीको हितग्राही खातामा बोनस शेयर जम्मा भएको छ भने त्यो मितिपछि शेयर अभौतिकीकरण गराएका शेयरधनीको हकमा पनि क्रमशः शेयर जम्मा हुने कम्पनीले जानकारी दिएको छ ।   साथै अघिल्लो आवमा बुझाउनुपर्ने लाभांश रक नबुझाएका शेयरधनीहरूमध्ये १६औं वार्षिक साधारण सभाबाट पारित नगद लाभांशले समेत बुझाउनुपर्ने सम्पूणर् कर रकम बुझाउन नपुग्ने शेयरधनीले उक्त रकम जम्मा गरेपछि मात्र बोनस शेयर प्राप्त गर्नेछन् ।  शेयरधनीले उक्त बोनस शेयरमा लाग्ने कर बैंकको खाता रहेको लाजिम्पाट शाखा खाता नं. ०४०००१०१०१३८९३०००००१ मा ‘एनआईबिएल एस क्यापिटल-जीबीबीएल बोनस ट्याक्स २०७७-२०७८’ नाममा जम्मा गर्नुपर्नेछ । दुवै कम्पनीको शेयर रजिष्ट्रार एनआईबिएल एस क्यापिटल लिमिटेड रहेको छ ।।  गरिमा विकास बैंकको सूचना हेर्न यहाँ क्लिक गर्नुहोस्  निर्धन उत्थान लघुवित्तको सूचना हेर्न यहाँ क्लिक गर्नुहोस्