पाकिस्तानका प्रधानमन्त्री इमरान खान सरकारले बलुचिस्तानका जनताको अभावलाई बेवास्ता गरेको भन्दै विपक्षी नेताहरूले बारम्बार आक्रोश व्यक्त गर्ने र सरकारको चर्को आलोचना गर्ने गरेका छन्। पछिल्लो समय कोरोना महामारी र मुलुकमा देखिएको चरम आर्थिक सङ्कटका कारण बलुचिस्तानका जनताहरू भोकै मर्नुपर्ने अवस्था सिर्जना हुनसक्ने भन्दै नेताहरूले सरकारलाई गम्भीर ध्यानाकर्षण गराएका छन्।
