अर्थमन्त्री जनार्दन शर्मा पर्वत पुगेका छन् । बिहिबार बस्ने प्रतिनिधिसभाको बैठकमा अमेरिकी नियोग मिलेनियम च्यालेञ्ज कर्पोरेशन (एमसीसी)बारे छलफल गरियोस् भन्ने प्रस्ताव पेश गर्नुपर्ने भएपछि उनी रातारात पर्वत हानिएका हुन् ।पर्वत उद्योग वाणिज्य संघको बिहीबार हुने साधरणसभामा सहभागी हुन अर्थमन्त्री शर्मा बुधबार पर्वतको कुश्मा पुगेका हुन् । एमसीसीसँगको अनुदान सहायता सम्झौतामाथि छलफल गर्ने गरि संसद बैठक बस्ने दिन मन्त्री शर्मा काठमाडौँ बाहिर रहेर उपस्थित हुन नसकेको जनाउ दिन जानाजान पर्वत पुगेको एक मन्त्रीले बताए । यसअघि आइतबारको बैठकमा पनि एमसीसी टेबल गर्दा मन्त्री शर्मा उपस्थित भएनन् । आफ्नो मन्त्रालयसँग सम्बन्धित विषय भएपनि मन्त्री शर्माले सम्झौता टेबल गरेनन् । बिहीबारको संसद बैठकमा सांसद्हरुले उठाएको प्रश्नको जवाफ अर्थमन्त्रीले नै दिनुपर्ने हुन्छ । तर, मन्त्री शर्मा भने एमसीसी छल्न पर्वत हानिएका हुन् ।
