बैतडीको दुर्गम गाउँमा अझै पनि आयोडिनयुक्त नुन खान नपाउने परिवार भेटिएका छन् । जिल्लाको सिगास गाउँपालिकाको दलित बस्तीमा आयोडिनयुक्त नुन खान नपाउँदा गलगाँडको समस्या झेलिरहका बिरामी भेटिएका छन् । सिगास गाउँपालिका–६, थलाकी महामती विक गलगाँडको समस्याबाट पीडित हुनुहुन्छ । महामतीका श्रीमान् बितेको पाँच वर्ष भयो । छोराछोरी छैनन् । साँझबिहानको छाक टार्न धौ धौ परेका बेला उहाँलाई गलगाँडको उपचार गर्न सकस भएको छ ।
