कोशी प्रदेशका मुख्यमन्त्री हिक्मतकुमार कार्कीले अर्थतन्त्र कमजोर भएका कारण आगामी बजेटको आकार दस अर्बले कम हुन सक्ने सम्भावना रहेको बताउनुभएको छ। उद्योगी–व्यवसायीसँग मुख्यमन्त्री तथा मन्त्रीपरिषद् कार्यालयमा मङ्गलबार आयोजित छलफल कार्यक्रममा उहाँले कोरोनापछि अर्थतन्त्र सबैभन्दा कमजोर अवस्थामा पुगेको बताउनुभएको हो। उहाँले निजी क्षेत्र र तीन तहका सरकारबीच आपसी समझदारी र सौहार्दपूर्ण व्यवहारले मात्रै अबको अर्थतन्त्र उठाउन सकिने बताउनुभयो।
