काठमाडौं। नेपाल बिटुमिन तथा ब्यारेल उद्योग लिमिटेडको ३३, ३४ र ३५औं वार्षिक साधारणसभा आइतवार भर्चुअल माध्यममार्फत सम्पन्न भएको छ । सभामा प्रबन्ध सञ्चालक प्रदीपकुमार श्रेष्ठले विगतमा इण्डियन आयल कर्पोरेशन लिमिटेडबाट बल्क बिटुमिन आयात गर्दा हल्दिया रिफाइनरीको मात्र प्रयोग भइरहेकोमा हाल आएर भारतमा रहेका नजिकका बरोनी तथा मथुरा रिफाइनरीहरूबाट समेत बल्क बिटुमिन ल्याउने कार्य भइरहेको बताए । यसरी आयात गरिएका बल्क बिटुमिनलाई नेपालका सिमावर्ती नाकाहरूमा विक्री डिपो स्थापना गरी बजार विस्तारलाई निरन्तरता दिँदा आर्थिक वर्ष २०७९/०८० मा विक्री बढेको उनको भनाइ थियो ।
विगतमा रहेको इमल्सन उत्पादन गर्ने पुरानो प्रविधिलाई प्रतिस्थापन गरी नयाँ डिजिटल अटोमेटिक प्रकृयाबाट सञ्चालनमा ल्याई उत्पादन समेत वृद्धि गरी बजारमा पठाउने गरिएको बताइएको छ । सरकारले सडक निर्माणको पुरानो भुक्तानी निर्माण व्यवसायीलाई उपलब्ध गराउने प्रतिबद्धता जनाए पनि हालसम्म भुक्तानी नगरेकोले निर्माण कार्यले गति लिन नसकेको सभामा जानकारी गराइएको थियो ।
काठमाडौं, भदौ ३१ । नेपाल बिटुमिन तथा ब्यारेल उद्योग लिमिटेडको भर्चुअलमार्फतबाट तीन आर्थिक वर्षको साधारणसभा भएको छ । उद्योगले कोरोना महामारीको संक्रमणको कारणले एकैपटक तीन वर्षको, ३०,३१ र औं ३२ औं साधारणसभा बुधबार सम्पन्न भयो । उद्योगका प्रबन्ध सञ्चालक श्री प्रदीपकुमार श्रेष्ठले कोभिड १९ महामारीको कारणले भर्चुअलमाध्यमबाट साधारणसभा गरिएको बताए । प्रबन्ध सञ्चालक प्रदीपकुमार श्रेष्ठले […]
नेपाल बिटुमिन तथा ब्यारेल उद्योग लिमिटेडले एक साथ ३ वटा आर्थिक वर्षको साधारणसभा सम्पन्न गरेको छ । कम्पनीले आज बुधबार कम्पनीको ३०, ३१ र ३२औं वार्षिक साधारणसभा भर्चुअल माध्यमबाट गरेको हो ।सभामा शेयरधनीहरूको प्रश्नको जवाफ दिंदै प्रबन्ध सञ्चालक प्रदीपकुमार श्रेष्ठले आ.व. २०७४÷०७५, २०७५÷०७६ र २०७६÷०७७ मा लकडाउन तथा निशेधाज्ञा लगायतका कारणले गर्दा भौतिक निर्माणका कार्यहरू हुन नसकिरहेको असहज परिस्थिति सृजना भएकोले आर्थिक क्षेत्रमा नकारात्मक प्रभाव परेको अवस्थामा पनि कम्पनीले बजारमा न्यून गुणस्तरका बिटुमिनसंग प्रतिस्पर्धा गरी केही मुनाफा आर्जन गर्न सकेको बताए । साथै सडक निर्माणका लागि आधारभूत वस्तु बिटुमिन तथा बिटुमिन इमल्सन उत्पादन गर्ने यस उद्योगलाई निजीकरण गरिएका उद्योगहरूमध्ये नमूना उद्योगका रूपमा विकसित गर्दै लैजान आफु तथा सञ्चालक समिति लागिपरेको उनले बताए । त्यसैगरी अन्य प्रदेशहरूमा डिलर नियुक्त गरी बिटुमिनको बजार बिस्तार गरिने उनको भनाई थियो ।
