मोतीपुर औद्योगिक क्षेत्र : जग्गा कब्जा गर्न दिनहुँ भीड
बुटवल उपमहानगरपालिका–१७, रानीगन्जमा मंगलबार बिहानै सर्वसाधारण भेला भएका थिए । सबैको चासोको विषय सार्वजनिक जग्गा थियो । सरकारले यस क्षेत्रमा मोतीपुर औद्योगिक करिडोर निर्माणका लागि जग्गा छुट्याएको छ ।
मोतीपुर औद्योगिक क्षेत्र निर्माणमा जग्गा कब्जा गर्न, टोली गठन गर्ने समूहका मुख्य योजनाकारलाई बुटवलबाट प्रहरीले पक्राउ गरेको छ। कपिलवस्तुको शुद्धोधन गाउँपालिका-६ स्थायी घर भई हाल बुटवल उप-महानगरपालिका-११ मा डेरा गरी बस्दै आएका ४४ वर्षीय सावीर अलि उर्फ राजु आलमलाई पक्राउ गरिएको जिल्ला प्रहरी कार्यालय रुपन्देहीले जनाएको छ।
