पश्चिमाको सामना गर्न बेलारुसलाई आणविक हतियार सक्षम मिसाइल दिँदै पुटिन
बेलारुसका राष्ट्रपतिले आफ्नो सीमा नजिकै आणविक हतियारधारी नेटो उडानहरू हुन थालेको गुनासो गरेपछि रुसले बेलारुसलाई आणविक हतियार बोक्न सक्षम मिसाइलहरू प्रदान गर्ने भएको छ ।
रुसले शनिवार क्राइमिया र कृष्णसागर लगायतका क्षेत्रमा व्यापक रूपमा क्षेप्यास्त्र परीक्षण गर्ने घोषणा गरेको छ । त्यसक्रममा आणविक हतियार पनि परीक्षण गरिने उसले जनाएको छ ।
यस परीक्षणलाई राष्ट्रपति भ्लादिमिर पुटिन आफैंले अवलोकन गर्नेछन् । परीक्षण अभ्यासमा रुसको स्ट्राटेजिक मिसाइल कमान्ड, नर्दन र ब्ल्याक सी फ्लीट र सदर्न मिलिटरी डिस्ट्रिक्ट सहभागी हुनेछन् । अन्तिम क्षेत्रले क्राइमिया र युक्रेनको पूर्वी भाग समेट्छ ।
कमान्डर र सैनिकहरूको तयारीको परीक्षणका लागि यो अभ्यास गरिएको हो । त्यसका साथै स्ट्राटेजिक आणविक र गैरआणविक शक्तिसँ...
