Nepal Press

चैत्र २०८०

सिटिजन्स बैंकद्वारा नेपालमै पहिलो पटक भर्चुअल क्रेडिट कार्ड सार्वजनिक

काठमाडौं । सिटिजन्स बैंक इन्टरनेसनल लिमिटेडले फोनपे सँगको सहकार्यमा नेपालमै पहिलो पटक भर्चुअल क्रेडिट कार्ड सार्वजनिक गरेको छ । बैंकमा आयोजित एक कार्यक्रमबीच सिटिजन्स बैंक इन्टरनेशनल लिमिटेडका प्रमुख कार्यकारी अधिकृत गणेशराज पोखरेल र फोनपेका प्रमुख कार्यकारी अधिकृत दिवश कुमारबीच भर्चुअल क्रेडिट कार्ड सञ्चालनसम्बन्धी सम्झौता भएको हो । साथै बैंकका सीईओ पोखरेलले भर्चुअल क्रेडिट कार्डको उद्घाटन […]

पूर्ण विवरण

सम्बन्धित सामग्री

सिटिजन्सको भर्चुअल क्रेडिट कार्ड सार्वजनिक

सिटिजन्स बैंक इन्टरनेसनल लिमिटेडले फोनपेसँगको सहकार्यमा नेपालमै पहिलोपटक भर्चुअल क्रेडिट कार्ड सार्वजनिक

नयाँ पत्रिका चैत्र २०८०

सिटिजन्स बैंकद्वारा भर्चुअल क्रेडिट कार्ड सार्वजनिक

सिटिजन्स बैंकले फोन पेसँगको सहकार्यमा नेपालमै पहिलो पटक भर्चुअल क्रेडिट कार्ड सार्वजनिक गरेको छ।

नागरिक दैनिक चैत्र २०८०

न्यू बिजनेश एज २२औं वार्षिकोत्सव विशेष: डिजिटलतर्फ बैंकिङ सेवा, एटीएमदेखि भर्चुअल करेन्सीसम्म

Aarthik Abhiyan चैत्र २०७९

क्रिप्टो करेन्सीको बहस

नेपाल राष्ट्र बैंकले भर्चुअल र क्रिप्टो करेन्सी तथा नेटवर्क मार्केटिङअन्तर्गतको कारोबारलाई गैरकानूनी भन्दै सार्वजनिक सूचना प्रकाशन गरेपछि यसको पक्ष र विपक्षमा विभिन्न तर्क आइरहेका छन् । क्रिप्टो नै अङ्कीय (डिजिटल) मुद्रा हो, यसलाई कारोबारयोग्य नबनाएर वा मान्यता नदिएर देशलाई प्रविधिको विकासबाट पर धकेलेको जस्ता तर्क आएका छन् भने विपक्षमा यो मुद्रा नै होइन, एक देशमा द्वैध मुद्रा हुन सक्दैन भन्ने तर्क आएका छन् । यी तर्कमध्ये विपक्षमा आएको तर्कको भार बढी देखिन्छ । कुनै पनि शब्दका पछाडि ‘करेन्सी वा मुद्रा’ जोड्नेबित्तिकै त्यसले मुद्राको मान्यता पाउन सक्दैन । मुद्राको मान्यता पाउन त्यसले निश्चित शर्त पूरा गर्नुपर्ने हुन्छ । चीनलगायत देशमा क्रिप्टो प्रतिबन्धित रहेको अवस्थामा नेपालमा अहिल्यै यसको कारोबार खुला गरिहाल्नु हुँदैन । खुला गर्दा पनि सेबीले के कसरी नियमन गर्ने अख्तियारी पाउँछ, त्यसको आधारमा नेपालमा पनि बिस्तारै खुला गर्दै वस्तुसरह कारोबार गर्न सकिने संयन्त्र निर्माण गर्नुपर्छ । मुद्रा र मुद्राको मान्यता सामान्य अर्थमा मुद्रा भनेको देशको कुल सेवा र वस्तुको कुल मूल्य हो । कुनै न कुनै रूपमा प्राचीनकालदेखि मुद्रा अस्तित्वमा रहँदै आएको छ । वर्तमान समयमा मुद्राको केन्द्रीय प्राधिकारी निकाय केन्द्रीय बैंक हो । नेपाल राष्ट्र बैंक ऐन, २०५८ दफा २९ ज मा ‘मुद्रा भन्नाले सबै किसिमको करेन्सी नोट, पोस्टल अर्डर, पोस्टल नोट, मनि अर्डर, चेक, ड्राफ्ट, ट्राभलर्स चेक, प्रतीतपत्र, विनिमयपत्र, प्रतिज्ञापत्र र क्रेडिट कार्ड सम्झनुपर्छ र उक्त शब्दले बैंकले आवश्यकतानुसार सार्वजनिक सूचना प्रकाशन र प्रसारण गरी तोकिदिएको अन्य यस्तै प्रकारको मौद्रिक उपकरण समेतलाई जनाउँछ’ भनिएको छ । ऐनको दफा २९ झ मा ‘करेन्सी नोट भन्नाले नगदका रूपमा चलनचल्तीमा रहेको बैंक नोट सम्झनुपर्छ र यो शब्दले सिक्का समेतलाई जनाउँछ’ भनिएको छ । त्यस्तै, दफा २९ ञ मा ‘विदेशी मुद्रा भन्नाले नेपाली मुद्राबाहेक अन्य मुद्रा सम्झनुपर्छ र उक्त शब्दले अन्तरराष्ट्रिय मुद्राकोषबाट रकम झिक्ने विशेष अधिकार (स्पेशल ड्रइङ राइट्स), एशियन करेन्सी, यूरापेली करेन्सी युनिट तथा बैंकले आवश्यकतानुसार सार्वजनिक सूचना प्रकाशन र प्रसारण गरी तोकिदिएको अन्य उपकरण समेतलाई जनाउँछ’ भनेको छ । दफा २९ ट मा ‘नेपाली मुद्रा भन्नाले नेपाली रुपैयाँमा अङ्कित मुद्रा सम्झनुपर्छ’ भनेको छ । दफा २९ ठ ले ‘परिवत्र्य विदेशी मुद्रा भन्नाले बैंकले आवश्यकतानुसार सार्वजनिक सूचना प्रकाशन र प्रसारण गरी विदेशी मुद्रा भनी तोकिदिएको विदेशी मुद्रा सम्झनुपर्छ’ भनेको छ । देशभित्र मुद्रा (बैंक नोट र सिक्का) निर्गमन गर्ने प्राधिकार ऐनको दफा ५२(१) ले नेपाल राष्ट्र बैंकलाई दिएको छ । दफा ५१(२) अनुसार यस्ता मुद्रा नेपालभित्र कानूनी ग्रा⋲य (लिगल टेन्डर) हुने र यस्तो मुद्राको जमानत नेपाल सरकारबाट प्राप्त हुन्छ । ऐनको दफा ५२(२) मा सुरक्षण राखेर मात्र नोट निर्गमन हुने र यस्तो निर्गमित नोटको दायित्व सुरक्षणबापत राखिएको सम्पत्तिको मूल्य बराबर हुन्छ । केन्द्रीय बैंकले आवश्यकताअनुसार विभिन्न दरका बैंक नोट निर्गमन गर्नसक्ने व्यवस्था दफा ५२(४) मा छ । दफा ५३ मा बैंकद्वारा निर्गमन गरिएका बैंक नोट तथा सिक्का यसको अङ्कित रकमसम्मको सबै किसिमको सार्वजनिक तथा व्यक्तिगत ऋण चुक्ता गर्न नेपालभित्र सर्वस्वीकार्य हुनेछ भनेर अधिकारसम्पन्न बनाइएको छ । मुद्रा भौतिक र अभौतिक दुवै रूपमा रहनसक्ने अवस्था देखिन्छ । क्रिप्टो र डिजिटल मुद्रा क्रिप्टोको शाब्दिक अर्थ ‘गुप्त, छद्म वा प्रछन्न’ हो । क्रिप्टोको पछाडि ‘करेन्सी’ जोडेर यसलाई ‘गुप्त, छद्म वा प्रछन्न मुद्रा’ भनिएको छ । यसलाई नै ‘डिजिटल वा अंकीय वा भर्चुअल वा आभासी मुद्रा’ भनिएको छ । क्रिप्टो मुद्रा हो भनेर जतिसुकै ठूलो बहस चले वा चलाए पनि यो मुद्रा होइन, मुद्रा हुनका लागि सरकारबाट जमानत प्राप्त भई केन्द्रीय बैंकबाट जारी र सर्वस्वीकार्य रूपमा आमव्यक्तिले ग्रहण गर्नलायक हुनुपर्छ । क्रिप्टोले यी कुनै पनि शर्त पूरा गरेको छैन गर्न पनि सक्दैन । क्रिप्टो व्यक्तिव्यक्तिबीच विश्वासको आधारमा कारोबार हुन्छ । संसारमा अहिले अनेकौं नामका क्रिप्टो भए पनि यसको अंकित मूल्य छैन । यसलाई गोटामा गन्ती गरिन्छ । यस्ता गोटा कतिसम्म बनाउन सकिन्छ भन्ने पहिले नै निश्चित गरिएको छ । त्यति पुगेपछि त्यसको ‘माइनिङ’ भनिने निर्माण वा उत्पादन हुन सक्दैन । मात्रा पुगेपछि जतिओटा छ त्यही कारोबार भइरहन्छ र कहिलेसम्म हुन्छ भन्ने पनि कुनै समयावधि छैन किनकी यो विश्वासमा अडेको छ । जुन दिन यसमा विश्वास हराउन थाल्छ यसको अस्तित्व पनि समाप्त हुन्छ । जमानती वा कानूनी ग्रा⋲य मुद्रा जस्तो सदाकाल चलिरहन सक्दैन । यही कुरालाई मनन गरेर बैंक अफ इङल्यान्डले भविष्यमा क्रिप्टो मूल्यहीन हुने बताएको छ । यसै सन्दर्भमा इङल्यान्डको ‘फाइनान्सियल कन्डक्ट अथोरिटी’ ले इङल्यान्डमा वित्तीय विकेन्द्रीकरण (डिसेन्ट्रलाइज फाइनान्स)को नाममा अनुमतिविना वित्तीय सेवाका उत्पादन दिएको र यस्ता सेवा दिन दर्ता भएर अनुमतिपत्र प्राप्त गर्नुपर्ने हालसम्म कुनै पनि क्रिप्टो दर्ता नभएको बताएको छ । त्यस्तै, लगानीकर्तालाई पनि चेतावनी दिँदै यस्ता अवैध क्षेत्रमा लगानी गरी हुने वा हुनसक्ने हानिनोक्सानीको जिम्मा लिन नसक्ने बताएको छ । मुद्रा कि वस्तु माथिका बिभिन्न अनुच्छेदमा मुद्राको मान्यता पाउन के के पूर्वयोग्यता हुनुपर्ने रहेछ भन्ने ज्ञात भइसकेको छ । क्रिप्टोले मुद्रा हुने कुनै योग्यता पूरा नगरेको हुँदा यसलाई मुद्राको कोटीमा राख्न सकिँदैन र मुद्रासरह कारोबार गर्न पनि सकिँदैन । भारतले यसलाई मुद्रा नभनी वस्तुसरह मान्यता दिएर ‘गुप्त सम्पत्ति’ अर्थात् ‘क्रिप्टोएसेट’ नामकरण गरेको छ । शेयरबजार र कमोडिटी नियामक सेक्युरिटिज एक्सचेन्ज बोर्ड अफ इन्ण्डिया (सेबी)लाई नियमन गर्न दिने गरी कानूनी प्रबन्ध गर्दै छ । भारतले ‘वस्तु वा एसेट’माने पनि यसको भौतिक अस्तित्वभने छैन । यो अदृश्य चिज जुन कल्पना मात्र गरिएको छ र यसलाई जमानती वा कानूनी ग्राह्य मुद्रा तिरेर किनबेच गरिन्छ र यसको लाभमा भारतले ३० प्रतिशत पूँजीगत लाभकर लगाएको छ । मुद्राको एउटा विशेषता अङ्कित मूल्य कहिल्यै परिवर्तन हुँदैन । निर्गमन गर्दा जुन अङ्कित मूल्य हुन्छ, सदाकाल त्यही रहिरहन्छ । कानूनी ग्राह्य वा जमानती मुद्रा पनि डिजिटल स्वरूपमा रहन सक्छ र रहेको पनि छ । हाल नेपाल क्लियरिङ हाउस लिमिटेडले उपलब्ध गराएको इन्टरबैंक पेमेन्ट सिस्टम (आईपीएसं, फोनपे, मोबाइल तथा इन्टरनेट बैंकिङमार्फत गरिने भुक्तानी डिजिटल मुद्राकै स्वरूप हुन् । आईपीएसलगायतबाट भुक्तानी गरिएको मुद्रा (नोट) को भारी बोकेर प्रापककोमा जानु पर्दैन । क्रिप्टो र डिजिटल मुद्रा समानार्थी शब्द हैनन् । यसलाई समान अर्थमा बुझ्नु गलत हुन्छ । अहिलेसम्म कुनै पनि देशले डिजिटल मुद्रै भनेर निर्गमन नगरेको अवस्थामा भारतले ई–रुपया नामक डिजिटल मुद्रा निर्गमन गर्ने घोषणा गरेको छ । हेर्न बाँकी छ, भारतले निर्गमन गर्न यस्तो मुद्रा कस्तो हुनेछ र कसरी कारोबारमा आउनेछ त्यो भविष्यमा देखिनेछ । अन्त्यमा, चीनलगायत देशमा क्रिप्टो प्रतिबन्धित रहेको अवस्थामा नेपालमा अहिल्यै यसको कारोबार खुला गरिहाल्नु हुँदैन । खुला गर्दा पनि सेबीले के कसरी नियामन गर्ने अख्तियारी पाउँछ, त्यसको आधारमा नेपालमा पनि बिस्तारै खुला गर्दै वस्तुसरह कारोबार गर्न सकिने संयन्त्र निर्माण गर्नुपर्छ । लेखक धितोपत्रसम्बन्धी अध्येता अधिवक्ता हुन् ।

Aarthik Abhiyan पौष २०७८