प्रतिनिधिसभा कार्यव्यवस्था परामर्श समितिको बैठक सकिएको छ । संसद भवन नयाँ बानेश्वरमा बसेको बैठकले आज बस्ने प्रतिनिधिसभा बैठकको एउटा मात्र कार्यसूची तय गरेको छ । जसमा प्रधानमन्त्री शेरबहादुर देउवाले ‘आदिवासी जनजाति आयोगको प्रतिवेदन आव २०७७,०७८ पेश गर्ने’ कार्यसूची तय भएको छ ।आजको कार्य व्यवस्थामा अमेरिकी मिलेनियम च्यालेन्ज कर्पोरेसन (एमसीसी) बारे सामान्य छलफल भएपनि गठबन्धनमा अर्को बैठकसम्म कुर्ने सहमतिका कारण कुनै निर्णय भएन । प्रतिनिधिसभा बैठक दिउँसो १ बजेपछि बस्दैछ ।
