अफगानिस्तान क्रिकेट बोर्डले लेग स्पिनर राशिद खानलाई अन्तर्राष्ट्रिय टी ट्वान्टीको कप्तानको जिम्मेवारी दिएको छ । मध्यक्रमका ब्याट्सम्यान जजिबुल्लाह जद्रान उपकप्तानको जिम्मेवारीमा बस्नुहुनेछ ।
राशिदकै नेतृत्वमा अफगानिस्तानले यसै वर्ष आयोजना हुने टी ट्वान्टी विश्वकपमा सहभागी हुनेछ । राशिदले यसअघि समेत तीन महिनाका लागि कप्तानको जिम्मेवारी सम्हाल्नुभएको थियो । सन् २०१९ को सेप्टेम्बर र नोभेम्बरमा उहाँले टी ट्वान्टी टोलिको नेतृत्व गर्नुभएको थियो । जसमा उहाँले १६ खेलमा सातमा टोलिलाई जिताउनुभएको छ ।
अफगानिस्तान क्रिकेट बोर्डले असगर अफगानलाई कप्तानबाट हटाएको छ । जिम्बाबवे विरुद्धको श्रृङ्खलाको क्रममा असगर अफगानको नेतृत्वबाट असन्तुष्ट बनेको बोर्डले उहाँलाई कप्तानको जिम्मेवारीबाट हटाएको छ ।
हश्मतुल्लाह शाहिदी अफगानिस्तान क्रिकेट टोलिको टेष्ट र एकदिबसीय क्रिकेट टोलिको कप्तान नियुक्त हुनुभएको छ । उहाँ मध्यक्रमका ब्याट्सम्यान हुनुहुन्छ । रहमत शाह उपकप्तान नियुक्त हुनुभएको छ । अन्तर्राष्ट्रिय टी ट्वान्टीको कप्तान भने नियुक्त गरिएको छैन् । राशिद खान अन्तर्राष्ट्रिय टी ट्वान्टीको उपकप्तानको जिम्मेवारीमा भने रहीरहनुहुनेछ ।
