अब के हुन्छ ? यो सरकार कति दिन चल्छ ? अब को बन्लान् नयाँ प्रधानमन्त्री ? यस्ता प्रश्न फेरि पनि हाम्रो राजनीतिको केन्द्रमा सदाबहार शैलीमा उपस्थित भएका छन् । यी तत्कालीन प्रश्नहरुको क्षणिक निदान सामुन्नेमा जरुर आउला, तर यो न मूल प्रश्न हो न मूल विषय । अब यस्तो होला, सरकार यो दलको बन्ला र प्रधानमन्त्री फलाना बन्लान् भनेर गरिने अनुमान, विश्लेषण या प्राप्त हुने समाधान वस्तुत: स्थायी समाधान होइनन् । सुकेको हाँगाको चर्चामा होइन, जीवन्त जराउपर बहस र अनुसन्धानमार्फत दीर्घ निकास अब हामीले खोज्नैपर्ने भएको छ ।
