सार्वजनिक बिदाका दिन चलेका सरकारी सवारी साधन नियन्त्रणमा
सार्वजनिक बिदाका दिनमा सञ्चालन गरिएका सरकारी सवारी साधनलाई नियन्त्रणमा लिइएको छ। जिल्ला प्रहरी कार्यालय स्याङ्जाले सार्वजनिक बिदाका दिनमा सार्वजनिक निकायले कार्यालयका सवारी साधन सञ्चालन नगर्ने गृह मन्त्रालयको निर्देशनानुसार कार्यान्वयन गर्ने...
जेठ ८, स्याङ्जा । सार्वजनिक बिदाका दिनमा सञ्चालन गरिएका सरकारी सवारी साधनलाई नियन्त्रणमा लिइएको छ ।
जिल्ला प्रहरी कार्यालय स्याङ्जाले सार्वजनिक बिदाका दिनमा सार्वजनिक निकायले कार्यालयका सवारी साधन सञ्चालन नगर्ने गृह मन्त्रालयको निर्देशनानुसार कार्यान्वयन गर्ने क्रममा शनिवार पाँच सवारी साधन नियन्त्रणमा लिएको हो ।
जिल्ला प्रहरी कार्यालयका प्रहरी निरीक्षक पदमराज थापाका अनुसार बिरुवा गाउँपालिकाका दुई मोटरसाइकल, शिक्षा कार्यालयको एउटा मोटरसाइकल, गल्याङ नगरपालिकाको चार पांग्रे सवारी साधन र पर्वतको पैयुँ गाउँपालिकाको चार पांग्रे सवारी साधन नियन्त्रणमा लिइएको हो ।
आज पनि सार्वजनिक बिदा भएकाले अनुमति बिना सरकारी सवारी साधन सञ्चालन गरेको पाइएमा नियन्त्रणमा लिइने उनले बताए । शनिवार नियन्त्रणमा लिइएका सरकारी सवारी साधन आज सार्वजनिक बिदा भएकाले सोमवार मात्रै आवश्यक प्रक्रिया पूरा गरेर फिर्ता गरिने उनले जानकारी दिए ।
नेपाल सरकार मन्त्रिपरिषद्को निर्णयानुसार शनिबार र आइतबार दुई दिन सार्वजनिक बिदा दिने निर्णय भई यही जेठ १ गतेदेखि लागू भइसकेकाले सार्वजनिक बिदाका दिनमा प्रशासन कार्यालयबाट जारी भएका पास बाहेकका सरकारी सवारी साधन सञ्चालन नगर्न नगराउन अनुरोध गरिएको छ । रासस
काठमाडौं । काठमाडौं उपत्यकामा सार्वजनिक बिदाको दिन सरकारी सवारी साधन चलाउन नपाइने भएको छ । सरकारी सवारी साधन चलाउनै परे अनुमति लिनुपर्ने निर्णय जिल्ला प्रशासन कार्यालय काठमाडौंले गरेको हो ।
सरकारले जेठ १ गतेदेखि शनिबार र आइतबार सार्वजनिक बिदा दिएको छ । इन्धन खपत कम गर्न भन्दै दुई दिन सार्वजनिक बिदा...
अहिले हप्तामा २ दिन बिदा दिने विषय मन्त्रिपरिषद बैठकमा छलफलको विषय बनिरहेको छ । शुक्रबार सरकारका निर्णय सार्वजनिक गर्न आयोजित पत्रकार सम्मेलनमा सरकारका प्रवक्तासमेत रहेका सञ्चार तथा सूचना प्रविधिमन्त्री ज्ञानेन्द्र बहादुर कार्कीले यो विषय बहसको विषय भएकाले निर्णय भईनसकेको बताएका छन् ।तर, आयाल निगम र अन्य सरोकारवालाहरु पेट्रोलियम पदार्थको खपत घटाउन हप्तामा २ दिन बिदा दिनुपर्ने विषय जोडतोडले उठाईरहेका छन् । यसमा अर्थ मन्त्रालय पनि सहमत छ । विश्व बजारमा इन्धनको भाउ निरन्तर बढिरहेको अवस्थामा नेपालले आयातमार्फत गर्ने खर्चको सबैभन्दा बढी हिस्सा पेट्रोलियम पदार्थमै खर्च गरिरहेको छ । त्यसैले पनि इन्धनको खपत घटाउन हप्तामा २ दिन बिदा दिने विषयमा अहिले सरकारले विभिन्न छलफल गरिरहेको अर्थमन्त्री जनार्दन शर्माले नै पुष्टि गरिसकेका छन् । उनका अनुसार शनिबार र अरु सार्वजनिक बिदाको दिन सरकारी सवारी साधन नचलाउने नियम बनाउने र कडाईका साथ अनुगमन गरिने तयारी छ । शनिबार र आइतबार सार्वजनिक बिदा दिँदा पेट्रोलियम पदार्थ खपत घट्ने र खपत घट्दा विदेशी मुद्रा सञ्चिति जोगिने भन्दै यस्तो ‘आईडीया’ आयाल निगमले नै निकालेको हो । अहिले कति छ खपत ?निगमका अनुसार नेपालमा गत वर्ष (सन् २०२१ मा) ६३ हजार किलोलिटर पेट्रोल र १ लाख ६० हजार किलोलिटर डिजेल खपत भएको थियो । २०२२ को मार्चमा दैनिक औसत २५ सय किलोलिटर पेट्रोल र ६४ सय किलोटिलर डिजेल खपत भएको तथ्यांक निगमले निकालेको छ । १ किलोलिटरमा १ हजार लिटर हुन्छ ।मार्चमा कुल ६३ हजार किलोलिटर पेट्रोललाई २५ दिन (४ शनिबार र २ सार्वजनिक बिदा बाहेकका दिन)लाई भाग लगाउँदा दैनिक औसतमा २५.२० सय किलोटिलर हुन आउँछ । मार्चमै खपत भएको कूल १ लाख ६० हजार किलोलिटर डिजेललाई पनि सोही अनुसार भाग लगाउँदा दैनिक ६४ सय किलोलिटर डिजेल खपत भएको छ ।२ दिन बिदा दिँदा कति घट्छ खपत ?अहिले प्रतिलिटर पेट्रोलको खरिद लागत मूल्य १८२.९२ रुपैयाँ छ । डिजेलको खरिद लागत मूल्य १६९ रुपैयाँ छ । निगमले निकालेको हिसाब अनुसार आइतबार बिदा थप गर्दा २५ सय २० किलोटिर पेट्रोलको खपत कम हुन्छ । जसअनुसार २५ सय २० किलोटिर भनेको २५ लाख २० हजार लिटर हो । २५ लाख २० हजार लिटरलाई प्रतिलिटर लागत मूल्य १८२.९२ रुपैयाँले गुणान गर्दा ४६ करोड ९ लाख ५८ हजार ४ सय रुपैयाँ बराबरको पेट्रोलको खपत कम हुन्छ । भन्नुको अर्थ, एक दिन बिदा थप गर्दा ४६ करोड ९ लाख ५८ हजार ४ सय रुपैयाँ बराबरको पेट्रोलको खपत कम हुन्छ । अब महिनामा ४ वटा आइतबार हुन्छन् । यी ४ आइतबार सार्वजनिक बिदा दिँदा १ अर्ब ८४ करोड ३८ लाख ३३ हजार ६ सय रुपैयाँ बराबरको पेट्रोलको खपत घट्छ ।यसैगरी, एक दिनमा औसतमा खपत हुने ६ हजार ४ सय किलोलिटर डिजेल भनेको ६४ लाख लिटर हो । अब यसलाई प्रतिलिटर लागत मूल्य १६९ रुपैयाँले गुणान गर्दा १ अर्ब ८१ करोड ६ लाख रुपैयाँ हुन आउँछ । यसको अर्थ, एक दिन सार्वजनिक बिदा थप गर्दा १ अर्ब ८१ करोड ६ लाख रुपैयाँ बराबरको डिजेलको खपत कम हुन्छ । अब महिनाको ४ दिन बिदा थप हुँदा महिनामा ४ अर्ब ३२ करोड ६४ लाखको खपत कम हुन्छ । यसको मतलब महिनामा अहिलेकै अवस्थामा थप ४ दिन बिदा थप हुँदा १ अर्ब ८४ करोड ३८ लाख ३३ हजार ६ सय रुपैयाँ बराबरको पेट्रोल र ४ अर्ब ३२ करोड ६४ लाख रुपैयाँ बराबरको डिजेलको आयात घट्छ । डिजेल र पेट्रोल गरी मासिक कुल ६ अर्ब १७ करोड २ लाख ३३ हजार ६ सय रुपैयाँको आयात घटी निगमको अहिलेको चाप कम हुने दाबी निगम र अर्थ मन्त्रालयको छ । यो आइतबार बिदा थप गर्दाको हिसाब हो ।शनिबार बिदाको दिन पनि अन्य दिनको तुलनामा सोही बराबरको इन्धनको खपत कम हुँदै आएको छ ।
