नेपाल–चीन संयुक्त लगानीमा सञ्चालित हिमालय एयरले चीनको काठमाडौं–छोङछिङ सीधा उडान सेवा सुरु गरेको छ । चिनियाँ नयाँ वर्षको पूर्वसन्ध्याको अवसर पारेर हिमालयले बिहीबारदेखि छोङछिङ सहरमा उडान सुरु गरेको हो । नेपालबाट छोङछिङ सीधा उडान सेवा भर्ने हिमालय एअरलाइन्स नै पहिलो कम्पनी हो । सीधा हवाई सेवा सुरु भएसँगै आगामी दिनमा दुबै सहरमा पर्यटकीय आवागमनमा उल्लेख्य टेवा पुग्ने विश्वास लिइएको छ ।
