रामेछाप – रामेछापको लिखु तामाकोसी गाउँपालिकाको अध्यक्षमा नेपाली कांग्रेसका केशव महत र उपाध्यक्षमा नेकपा एमालेका दीपा पाख्रिन विजयी हुनुभएको छ ।
अध्यक्षमा महत पाँच हजार एक सय १२ मत प्राप्त गरी विजयी हुनुभएको हो । उहाँका प्रतिस्पर्धी नेकपा एमालेका उम्मेदवार कमल कडेरियाले चार हजार आठ मत प्राप्त गर्नुभयो ।
यस्तै उपाध्यक्षमा पाख्रिन चार हजार एक सय २६ मत प्राप्त गरी विजयी हुनुभयो । उहाँका प्रतिस्पर्धी कांग्रेसकी सरस्वती गुरुङले तीन हजार नौ सय ३३ मत प्राप्त गर्नुभयो ।
