पाल्पा : तानसेन नगरपालिका–४ का वडाध्यक्ष राजेन्द्रमुनि शाक्यको सोमबार निधन भएको छ।मिर्गौलाका रोगबाट ग्रसित उनको रूपन्देहीको बुटवलस्थित गौतम बुद्ध सामुदायिक मुटु अस्पतालमा उपचार क्रममा निधन भएको वडासदस्य गणेश थापाले बताए।६० वर्षीय शाक्यले लामो समयदेखि मिर्गौलाको डायलासिस गराउँदै आएका थिए। उनको मंगलबार परम्पराअनुसार रामनदी धाममा दाहसंस्कार गरिने थापाले बताए। शाक्यका श्रीमती, एक छोरा र एक छोरी छन्। स्थानीय तहको निर्वाचनमा उनी नेपाली कांग्रेसबाट वडाध्यक्षमा निर्वाचित भएका थिए।
