बीबीसी। साउदी अरबले ११ देशमाथि लगाएको यात्रा प्रतिबन्ध हटाएको छ। उक्त मुलुकले कोरोना संक्रमण फैलन नदिन बेलायत तथा अमेरिकालगायतका देशमाथि यात्रा प्रतिबन्ध लगाएको थियो। कोरोना संक्रमण कम हुँदै गएका देशहरुमाथि साउदीले मे २९ मा यात्रा प्रतिबन्ध हटाउने निर्णय गरेको हो। साउदीले कुल २० देशमाथि यात्रा प्रतिबन्ध लगाएको थियो। अमेरिका, बेलायत, यूएई, जर्मनी, इटली, स्विजरल्यान्ड, फ्रान्सलगायतलाई यस्तो प्रतिबन्ध लगाइएको थियो।
