स्थानीय चुनावसँगै नेपालको राजनीतिक वृत्तमा एउटा सामाजिक विषयवस्तुले निकै चर्चा पाएको छ, त्यो हो— उम्मेदवारी छनोटमा परिवारवाद र नातावाद । नेपालको मात्र नभई दक्षिण एसियाकै राजनीतिमा नातावाद र परिवारवाद पुरानै, संस्थागत रोग हो । चाहे भारत होस् वा श्रीलंका, पाकिस्तान र बंगलादेश, सबै मुलुकका सत्ता र राजनीतिक शक्तिको केन्द्रमा पारिवारिक विरासतको दबदबा छ । भारतमा भने बिस्तारै यो पतनोन्मुख देखिँदै छ ।