काठमाडौं। आज बस्ने भनिएको नेपाली कांग्रेस केन्द्रीय कार्यसमितिको बैठक स्थगित भएको छ। कांग्रेसले विज्ञप्ति जारी गर्दै बैठक स्थगन भएको बताएको हो। बैठक तयारीका क्रममा गरिएको पीसीआर परीक्षणमा केन्द्रीय सदस्य तथा केन्द्रीय कार्यालयकै कर्मचारीहरुमा कोरोना पोजेटिभ देखिएपछि बैठक स्थगन गर्नुपरेको विज्ञप्तिमा उल्लेख छ। कोरोनाको तीव्र संक्रमण बढिरहेको बेला ठूलो संख्यामा उपस्थित भई बैठक गर्नु अनुपयुक्त हुने कांग्रेसको ठहर छ।
