भक्तपुर, ११ भाद्र। मध्यपुर थिमि-४ निवासी जेष्ठ नागरिक मोतिमाया बज्राचार्यले नागरिकता पाएकी छन्। एक शताब्दी उमेर पुगेकी उनलाई जिल्ला प्रशासन कार्यालय भक्तपुरले घरमै पुगेर नागरिकताको प्रमाण पत्र दिएको हो।आइतवार कार्यालयकी प्रशासकीय अधिकृत उर्मिला खतिवडा घिमिरे नागरिकता बोकेर बज्राचार्यको घरमै पुगेकी थिइन्। बज्राचार्यको नागरिकता प्रमाणपत्रको प्रतिलिपि आवश्यक भएको भन्दै परिवारले सम्पर्क गरेपछि घरमै पुगेर सेवा प्रदान गरिएको खतिवडाले जानकारी दिइन्।
