एजेन्सी।कोपा अमेरिका कप फुटबलमा उरुग्वे र चिलीले १-१ गाेलको बराबरी खेल्दै अंक बाँडेका छन्।एरिना पन्तानल ब्राजिलमा सम्पन्न खेलमा एडवार्डो भार्गासले २६औं मिनेटमा गरेको गोलबाट चिलीले अग्रता लिएको थियो।तर ६६औं मिनेटमा चिलीका अर्टुरो भिडालले आत्मघाती गोल गोल गरेपछि उरूग्वेले बराबरी गरेको हो।बराबरीसँगै समूहमा ५ अंक जोडेको चिली समूह 'ए'को दोस्रो स्थानमा छ भने एक अंक रहेको उरुग्वे तालिकाको चौथो स्थानमा छ।
