एजेन्सी। इङ्लिस प्रिमियर लिगमा आज तेस्रो र चौथो स्थानमा रहेर च्याम्पियन्स लिग पक्का गर्नका लागि तीन क्लबबीच प्रतिस्पर्धा हुँदैँछ। चेल्सी ६७ अंकका साथ तेस्रो स्थानमा हुँदा समान ६६ अंक जोडेको लिभरपुल र लेस्टर सिटी क्रमशः चौथो र पाँचौं स्थानमा छन्। लिभरपुलले क्रिष्टल प्यालेस, चेल्सीले एष्टन भिल्ला र लेस्टरले टोटेनह्यामविरुद्ध खेल्दैछ। म्यानचेस्टर सिटीले प्रिमियर लिगको उपाधि जितिसकेको छ।
