तरकारीसहित खाद्यन्नको विषादी परीक्षण गर्नका लागि प्रदेश–१ सरकारले विराटनगरमा प्रविधियुक्त प्रयोगशाला सञ्चालनमा ल्याएको छ । केही समयअघि नेपाल सरकारले विषादी परीक्षण नगरिएका भारतीय तरकारी र फलफूलको आयात रोक्ने निर्णय गरेको थियो । तर, निर्णय गरेको केही दिनपछि नै सरकारले परीक्षण नगरिएका तरकारीसहितका खाद्यवस्तु आयात गर्न दिने निर्णय गरेको थियो । जुन निर्णयको चौतर्फी विरोध भइरहेको छ ।
