बुधबार संसाभर १३० औं अन्तर्राष्ट्रिय मजदुर दिवस भव्यताका साथ मनाइरहँदा पूर्वी नेपालमा भने फरक दृष्य देखियो । चिया उत्पादनका लागि देश विदेशमा नाम कमाएको पूर्वी नेपालका चिया बगानकै मजदुरहरू भने एक महिनादेखि आन्दोलनमा छन् र उनीहरूले मजदुर दिवसलाई उल्लासका साथ मनाउन पाएनन् । मजदुर आन्दोलनको चुरो खोतल्दै जाने हो भने पनि झनै फरक दृष्य देख्न सकिन्छ किनकी पूर्वी नेपालका चिया बगानमा कार्यरत मजदुर न्यूनतम दैनिक ज्याला नपाएरै आन्दोलनमा होमिएका हुन् ।
