प्रदेश नम्बर ४ का मुख्यमन्त्री पृथ्वी सुब्बा गुरुङले कृषिबाटै आर्थिक विकास र समृद्धि हासिल गर्न सकिने बताएका छन् । बिहीबारदेखि पोखराको हेमजामा सुरु भएको नवौं राष्ट्रिय हेमजा आलु महोत्सव–२०७४ को उद्घाटन गर्दै मुख्यमन्त्री गुरुङले प्रदेश नम्बर ४ मा पर्यटन, जलविद्युत्का साथमा कृषिको समेत अथाक सम्भावना भएको उल्लेख गर्दै कृषिबाट पनि आर्थिक विकास र समृद्धि हासिल गर्न सकिने बताएका हुन् ।
