थाहा खबर

पौष २०७८

म्याग्दी र पर्वतमा बहुक्षेत्रीय पोषणका लागि ९१ लाख लगानी गरिँदै

पर्वत : बहुक्षेत्रीय पोषणको आंशिक प्याकेज अन्तर्गत म्याग्दी र पर्वतमा चालु आर्थिक वर्षमा झन्डै ९१ लाख रुपैयाँ लगानी हुने भएको छ।गत आर्थिक वर्षदेखि नै कार्यक्रम सञ्चालनमा रहेका म्याग्दीका ६ ओटा स्थानीय तहहरूको लागि ४६ लाख रुपैयाँ र चालु आर्थिक वर्षबाट कार्यक्रम सुरु गर्न लागिएको पर्वतका सात ओटा स्थानीय तहहरूको लागि ४४ लाख ९० हजार रुपैयाँ लगानी गर्न लागिएको हो।सङ्घीय मामिला तथा सामान्य प्रशासन मन्त्रालयका सहसचिव वसन्त अधिकारीका अनुसार बहुक्षेत्रीय कार्यक्रमभित्र रहेको पोषण प्रवर्द्धनको लागि उक्त र

पूर्ण विवरण

सम्बन्धित सामग्री

बेनी–मालढुंगा सडक दैनिक पाँच घण्टा बन्द हुने

म्याग्दी (अस) । म्याग्दी र मुस्ताङलाई राष्ट्रिय राजमार्गसँग जोड्ने मालढुंगा–बेनी सडक दैनिक पाँच घण्टा बन्द हुने भएको छ । जिल्ला प्रशासन कार्यालय पर्वतमा आइतवार बसेको सरोकारवालाहरूको बैठकले सो सडकको स्तरोन्नति सहज बनाउन पुस १५ गतेदेखि माघ १४ गतेसम्म सवारीसाधनको आवतजावत आंशिक बन्द गर्ने निर्णय गरेको हो । प्रमुख जिल्ला अधिकारी देवी पाण्डे खत्रीको अध्यक्षतामा बसेको बैठकले सो अवधिमा बिहान १०ः३० देखि दिउँसो ३ः३० बजेसम्म यातायात बन्द गर्ने निर्णय गरेको जिल्ला प्रशासन कार्यालयले बताएको छ । सवारीसाधनको चापले सडक विस्तारको काम प्रभावित बनेपछि आयोजना र निर्माण कम्पनी एपेक्स–खड्का कृष्ण जेभीले जिल्ला प्रशासन कार्यालयमा समय व्यवस्थापनको प्रस्ताव गरेर पत्राचार गरेका थिए । बैठकले सवारीसाधनको आवतजावत बन्द गरिएको अवधिमा सवारीसाधनको डाइभर्सन र व्यवस्थापनका लागि सुरक्षा निकायलाई अनुरोध गर्ने निर्णय गरेको छ । एम्बुलेन्स र अत्यावश्यक प्रयोजनका सवारीसाधन सञ्चालनमा भने सहजीकरण गरिने भएको छ । मालढुंगा–बेनी सडक बन्द भएको समयमा बेनी–रत्नेचौर–बागलुङ हुँदै मालढुंगा जोड्ने वैकल्पिक सडक प्रयोग गर्न सकिनेछ । एपेक्स–खड्का कृष्ण जेभीको सहायक ठेकेदार कम्पनी ओमकारेश्वरका सञ्चालक अमृत दाहालले हिउँदको समय अनुकूल भएकाले सडक विस्तार तीव्र बनाउन सवारीसाधन रोकेर काम गर्न लागिएको बताए । कुश्मा नगरपालिका–१ मा पर्ने मालढुंगादेखि जलजला गाउँपालिकाको ८, ७, ४ र ३ नम्बर वडा हुँदै म्याग्दीको सदरमुकाम बेनी जोड्ने १३ किलोमिटर सडक विस्तार, सुधार गरी दुई लेनको बनाउन लागिएको बेनी–जोमसोम–कोरला सडक आयोजनाले बताएको छ । मालढुंगा–बेनी सडक चीन र भारत जोड्ने नेपालको सबैभन्दा छोटो सडक कालीगण्डकी कोरिडोर अन्तर्गत पर्छ । २०७७ चैतमा ५२ करोड ८६ लाख रुपैयाँमा ठेक्का सम्झौता गरेको निर्माण कम्पनीले विभिन्न खण्डमा मजदूर र उपकरण परिचालन गरेर सडक विस्तार, पर्खाल र नाली निर्माण गरिरहेको छ । हाल कालोपत्रसहित करिब ६ मिटर चौडा सडकलाई ९ मिटर फराकिलोे बनाइँदै छ । सडकमा अमेरिकी अस्फाल्ट प्रविधिको कालोपत्र गरिनेछ । मालढुंगा–बेनी सडकको निर्माण २०४८ सालमा ‘कामका लागि खाद्यान्न’ कार्यक्रम अन्तर्गत शुरू भएर २०५२ सालमा सञ्चालनमा आएको थियो । २०६८ सालमा कालोपत्र भएको यो सडक पछिल्लो समय जीर्ण बनेको थियो । सहायक सडक र पाखोबाट खस्ने पहिरो तथा खोलामा आउने बाढीले सवारीसाधनको आवतजावत प्रभावित हुने गरेको छ । म्याग्दी, मुस्ताङ र पर्वतको जलजला गाउँपालिकाका बासिन्दाले प्रयोग गर्ने उक्त सडक पर्यटकीय, व्यापारिक र धार्मिक हिसाबले समेत महत्त्वपूर्ण रहेको छ ।

Aarthik Abhiyan मंसिर २०७८

पुस १५ गतेदेखि बेनी–मालढुंगा सडक दैनिक पाँच घण्टा बन्द हुने

पुस १२, म्याग्दी । स्तरोन्नतिका लागि म्याग्दी र मुस्ताङलाई राष्ट्रिय राजमार्गसँग जोड्ने मालढुंगा–बेनी सडक दैनिक पाँच घण्टा बन्द हुने भएको छ । जिल्ला प्रशासन कार्यालय पर्वतमा आइतवार बसेको सरोकारवालाहरुको बैठकले मालढुंगा–बेनी सडक निर्माणको कामलाई सहज रुपमा गति दिन पुस १५ गतेदेखि माघ १४ गतेसम्म दैनिक पाँच घण्टा सवारी आवत जावत बन्द गर्ने निर्णय गरेको हो । प्रमुख जिल्ला अधिकारी देबी पाण्डे खत्रीको अध्यक्षतामा बसेको बैठकले पुस १५ गतेदेखि माघ १४ गतेसम्म प्रत्येक दिन बिहान १०:३० देखि दिउँसो ३:३० सम्म मालढुंगा–बेनी सडकमा यातायात बन्द गर्ने निर्णय गरेको जिल्ला प्रशासन कार्यालयले जानकारी दिएको छ । सवारी साधनको चापले सडक विस्तारको काम प्रभावित बनेपछि बेनी–जोमसोम–कोरला सडक आयोजना र निर्माण कम्पनी एपेक्स–खड्का कृष्ण जेभीले जिल्ला प्रशासन कार्यालयमा समय व्यवस्थापनको प्रस्ताव गरेर पत्राचार गरेका थिए । १३ किलोमिटर दुरिको सडक प्रभावित क्षेत्रमा पर्ने जलजला गाउँपालिकाका अध्यक्ष यामबहादुर मल्ल, वडा नम्बर ४ का अध्यक्ष भिष्म मल्ल लगायत सरोकारवाला र सुरक्षा अधिकारीहरुको उपस्थितिमा बैठक बसेको थियो । बैठकले सवारी आवत जावत बन्द गरिएको अवधिमा सवारी साधनको डाइभर्सन र व्यवस्थापनका लागि सुरक्षा निकायलाई अनुरोध गर्ने निर्णय गरेको छ । एम्बुलेन्स र बिरामी बोकेका सवारी साधन तथा विकास निर्माणका अत्यावश्यक सवारी साधन सञ्चालनमा भने सहजीकरण गरिने भएको छ । मालढुंगा–बेनी सडक बन्द भएको समयमा बेनी–रत्नेचौर–बागलुङ हुँदै मालढुंगा जोड्ने वैकल्पिक सडक प्रयोग गर्न सकिन्छ । एपेक्स–खड्का कृष्ण जेभीको सहायक ठेकेदार कम्पनी ओमकारेश्वरका सञ्चालक अमृत दाहालले हिउँदको अनुकुल मौसम भएको समयमा सडक निर्माणलाई तीव्रता दिन सवारी साधन रोकेर काम गर्न समय मागिएको बताए । कुश्मा नगरपालिका–१ मा पर्ने मालढुंगादेखि जलजला गाउँपालिकाको ८, ७, ४ र ३ नम्बर वडा हुँदै म्याग्दीको सदरमुकाम बेनी जोड्ने १३ किलोमिटर सडक बिस्तार, सुधार गरी दुई लेनको बनाउन लागिएको बेनी–जोमसोम–कोरला सडक आयोजनाले जानकारी दिएको छ । मालढुंगा–बेनी सडक चिन र भारत जोड्ने नेपालको सबैभन्दा छोटो सडक कालीगण्डकी कोरीडोर अन्तर्गत पर्छ । २०७७ चैतमा ५२ करोड ८६ लाख रुपैयाँमा ठेक्का सम्झौता गरेको निर्माण कम्पनीले विभिन्न खण्डमा मजदूर र उपकरण परिचालन गरेर सडक विस्तार, पर्खाल र नाली निर्माणको काम गरिरहेको छ । हाल पिचसहित करीब ६ मिटरको हाराहारीमा रहेको सडकलाई ९ मिटर चाक्लो बनाएर एक मिटरको नाली र दुई लेनमा ८ मिटर चौडाइका दरले अमेरिकी आक्सपाल्ट प्रविधिको कालोपत्र गर्न लागिएको हो । विसं २०४८ ‘कामका लागि खाद्यान्न’ कार्यक्रम अन्तरगत शुरु गरेर २०५२ मा मार्ग खुलेको र २०६८ मा कालोपत्रे भएको मालढुंगा–बेनी सडक पछिल्लो समय जीर्ण अवस्थामा थियो । सहायक सडक र पाखोबाट खस्ने पहिरो तथा खोलामा आउने बाढीले सवारी साधन आवत जावत प्रभावित हुने गरेका छन् । सिंगो म्याग्दी र मुस्ताङ जिल्लाको साथै पर्वतको जलजला गाउँपालिकाका बासिन्दाले प्रयोग गर्ने मालढुंगा–बेनी सडक पर्यटकीय, व्यापारिक र धार्मिक हिसाबले सम्भावना युक्त छ ।

Aarthik Abhiyan मंसिर २०७८