बागमती प्रदेशको श्रम, रोजगार तथा यातायात मन्त्रालयले प्रदेशभित्र लागु हुने सार्वजनिक सवारीको भाडादर निर्धारण गरेको छ । मन्त्रालयले २०७९ बैशाख १ गतेदेखि लागु हुने गरि ट्याक्सीको साथ साथै सार्वजनिक सवारीको नयाँ भाडादर तोकेको हो ।मन्त्रालयको २०७८/१२/२४ (मन्त्रीस्तर) को निर्णयानुसार भाडा समायोजन गरिएको मन्त्रालयले जनाएको छ। साथै पछिल्लो पटक भाडा समायोजन गर्दा आधार मानिएको मूल्यको तुलनामा पेट्रोलियम पदार्थको बजार मूल्य ५ प्रतिशत वा सो भन्दा बढी वा घटी भएमा सोही बमोजिम प्रदेश भित्र सञ्चालन हुने सवारी साधनको भाडा समायोजन हुने मन्त्रालयले उल्लेख गरेको छ।पेट्रोल ट्याक्सीको हकमा त्यस्तै बागमती प्रदेशमा पेट्रोलियम पदार्थ बाट सञ्चालन हुने ट्याक्सी सेवाको हकमा शुरु फ्लाग डाउन रु ५० रुपैयाँ कायम गरिएको छ। प्रति २०० मिटरको भाडादर रु ९.८०- वाट रु १०।- कायम गरिएको छ भने प्रतिक्षा शुल्कका विषयमा प्रति १ मिनेटको रु.१.२० रुपैयाँ कायम गरिएको छ। प्रतिक्षा गर्ने अधिकतम समय ३० मिनेट कायम गरिएको छ।बेलुका ९ बजेदेखि विहान ४ बजेसम्म सञ्चालन हुने रात्रिकालिन ट्याक्सी सेवाको भाडादरका सम्वन्धमा शुरु फ्लाग डाउनलाई यथावत राखी प्रति २०० मिटरको हकमा रु.१५ हुने गरी भाडा कायम गरिएको छ। यस अघि जारी भएको सर्तहरु ट्याक्सी सेवा प्रदायकले पूर्णरुपमा पालना गर्नुपर्ने मन्त्रालयले जनाएको छ।विद्युतीय ट्याक्सीको हकमाबागमती प्रदेशमा विद्युतीय माध्यमवाट सञ्चालन हुने ट्याक्सीको हकमा भने शुरु फ्लाग डाउन रु ५० कायम गरिएको छ। प्रति २०० मिटरको भाडादर ९ रुपैयाँ कायम गरिएको छ। प्रतिक्षा शुल्कका विषयमा प्रति १ मिनेटको रु.१.२० रुपैयाँ कायम गरिएको छ। प्रतिक्षा गर्ने अधिकतम समय ३० मिनेट कायम गरिएको छ। वेलुका ९ बजेदेखि विहान ४ वजे सम्म सञ्चालन हुने रात्रिकालिन ट्याक्सी सेवाको भाडादरका सम्वन्धमा शुरु फ्लाग डाउनलाई यथावत राखी प्रति २०० मिटरको हकमा रु.१३ हुने गरी भाडा कायम गरिएको छ। उपत्यका भित्रको सार्वजनिक यातायात जस अनुसार उपत्यकामा सञ्चालन हुने यात्रुवाहक सार्वजनिक सवारी साधनको हकमा ० देखि ५ किमीको भाडा २० रुपैयाँ, ० देखि १० किमीको भाडा २५ रुपैयाम, ० देखि १५ किमीको भाडा ३० रुपैयाँ, ० देखि २० किमीको भाडा ३३ रुपैयाँ र २० किमी भन्दा बढी दुरीको भाडा ३८ रुपैयाँ कायम गरिएको छ ।उपत्यका बाहेकका स्थानमा चल्ने यात्रुवाहक सार्वजनिक सवारी साधनको हकमाउपत्यका बाहेकका स्थानमा चल्ने यात्रुवाहक सार्वजनिक सवारी साधनको हकमा बागमती प्रदेश सरकारले मिति २०७८/०७/०१ गते देखि यात्रुवाहक सवारी साधनमा लागू गरेको भाडादरमा १० प्रतिशत भाडावृद्धि गरी कायम हुन आउने भाडादरमा दशमलवमान सम्याई समायोजन गरिएको छ।उपरोक्त भाडादरमा यात्रुले १५ के.जी. सम्म निशुल्क र सो भन्दा वढि १० के.जी. सम्म प्रति के.जी. रु.५ का दरले भाडा भुक्तानी गरी (सवारी साधनको उत्पादक कम्पनीद्वारा तोकिएको Gross Vehicle weight भन्दा ननाघ्ने गरी) सरसामान/गुन्टा लिई जान पाउने छन्। मालवाहक सवारी साधनको हकमा मालवाहक सवारी साधनको हकमा प्रदेश भाडा निर्धारण/समायोजन तथा विद्युतीय माध्यमवाट भाडा भुक्तानी नियमावली, २०७८ को दफा ४ बमोजिमको भाडा निर्धारण/समायोजन सिफारिस समितिले साविकको भौतिक पूर्वाधार विकास मन्त्रालयलाई मिति २०७८/०६/०६ मा पेश गरेको प्रतिवेदनका आधारमा ११.९१- प्रतिकिमि प्रतिटनको लागि सिफारिस गरिएको भाडामा १३% ले वृद्धि गरी १३।४५- (प्रतिकिमि प्रतिटन) कायम गरिएको छ।
