वैशाख १३, काठमाडौं। साताको तेस्रो कारोबार दिन मंगलवार स्थानीय बजारमा सुनको मूल्य घटेको छ । यो दिन सुनको मूल्य प्रतितोला ९०० रुपैयाँले घटेको हो ।
यसअघि चैत २५ गते ९९ हजार ५०० रुपैयाँमा कारोबार भयेको थियो । त्यसयता सुनको मूल्य १ लाख रुपैयाँभन्दा माथि रहँदै आएको थियो ।
सुनचाँदी व्यवसायी महासंघका अनुसार मंगलवार सुनको मूल्य प्रतितोला ९९ हजार ३०० रुपैयाँ कायम भएको छ । अघिल्लो दिन सुनको मूल्य १ लाख २०० रुपैयाँमा कारोबार भएको थियो ।
यस्तै, मंगलवार चाँदीको मूल्य भने स्थिर रहेको छ। अघिल्लो दिन १० रुपैयाँले घटेको चाँदी मूल्य यो दिन भने स्थिर रहेको छ। यो दिन चाँदीको मूल्य प्रतितोला १ हजार ३५० रुपैयाँ कायम भएको छ । अघिल्लो दिन पनि चाँदी सोही मूल्यमा किनबेच भएको थियो ।
त्यस्तै, अन्तरराष्ट्रिय बजारमा पनि यो दिन सुनको मूल्य बढेको छ । यो दिन न्यूयोर्क मर्कन्टाइल एक्सचेञ्जको कोमेक्स डिभिजनमा स्पट गोल्डको मूल्य प्रतिऔंस १ हजार ९०३ दशमलव ४६ डलर पुगेको छ ।
त्यसैगरी, तीन दिनदेखि स्थिर रहेको अमेरिकी डलरको मूल्य यो दिन भने बढेको छ । यो दिन एक अमेरिकी डलरको विक्रीदर १२३ दशमलव शून्य १ रुपैयाँ कायम भएको छ । अघिल्लो कारोबार दिन भने एक अमेरिकी डलरको विक्रीदर १२२ दशमलव ६८ रुपैयाँ थियो।
