काठमाडौं (अस) । एभरेष्ट बैंकले २०७९ सालको कर्पोरेट क्यालेन्डर सार्वजनिक गरेको छ । नेपाललाई पर्यटकीय सम्भावना बोकेको मुलुकको रूपमा प्रवद्र्धन गर्ने उद्देश्यले क्यालेन्डरमा नेपाली संस्कृति तथा पर्यटनसँग सम्बन्धित विभिन्न विषयवस्तु समेटिँदै आएको बैंकले बताएको छ ।
‘नेपाली साहित्यका चम्किला ताराहरू’ नारासहितको ०७९ सालको क्यालेन्डर पर्यटन मन्त्रालयका सचिव महेश्वर न्यौपाने र बैंकका प्रमुख कार्यकारी अधिकृत सुदेश खालिङले संयुक्त रूपमा अनावरण गरे ।
कार्यक्रममा बागमती प्रदेश प्रबन्धकद्वय सन्तोषकुमार भट्टराई र पुष्पराज उप्रेती, बैंकको प्रमुख बजार तथा संस्थागत निक्षेप एवं अन्य उच्च अधिकारी उपस्थित थिए । बैंकले नेपाली साहित्य क्षेत्रमा महत्वपूर्ण योगदान पुर्याउने लेखकलाई सम्मान गर्न यस क्यालेन्डरमा उक्त विषयवस्तु चित्रण गरेको जनाएको छ ।
..jpeg)
