सरकारले आगामी आर्थिक वर्ष जडिबुटी खेती र प्रशोधन उद्योग स्थापनामा जोड दिने भएको छ । अर्थमन्त्री जनार्दन शर्माले आगामी वर्ष नेपालमा जडिबुटी खेतीलाई प्राथमिकतामा राख्ने जानकारी दिए ।उनले प्रदेश स्तरमा जडिबुटी प्रशोधन उद्योग स्थापना गरिने बताए । सरकारको अनुमतिमा सबै किसिमका जडिबुटी खेती गर्न र निर्यात गर्न प्रोत्साहन गरिने छ । सुर्खेतमा जडिबुटी प्रशोधन केन्द्र सञ्चालन गरिने छ । सरकार र निजी क्षेत्रको सहकार्यमा जडिबुटी खेती गर्ने योजना अघि बढाइने छ ।