जुम्लाका दुई स्थानीय तहले छात्रवृत्तिमा एमबिबिएस पढाउने

रासस। जुम्लाका चन्दननाथ नगरपालिका र पातारासी गाउँपालिकाले एमबिबिएस पढ्न चाहने एक–एक जना विद्यार्थीलाई आफ्नै खर्चमा एमबिबिएस पढाउने भएका छन्। दुवै स्थानीय तहले कोभिडको पहिलो र दोस्रो महामारीले निकै प्रभावित भएसँगै चिकित्सकको अभाव झेल्नुपरेकाले यो कार्यक्रम ल्याइएको बताएका छन्। ‘शिक्षा, स्वास्थ्य, विद्युत, सञ्चार र रोजगार हाम्रो सरोकार’ भन्ने मूल नारासहित यो कार्यक्रम सार्वजनिक गरिएको हो।