वैशाख ३१, काठमाडौं । काठमाडौं महानगरको मत गणना शुरु भएको छ ।
बिहान ८ बजेबाट शुरु गर्ने भनिएको मत गणना ढिला गरि शुरु भएको छ । निर्वाचन आयोगका अनुसार प्रारम्भिक मतगणना गर्ने क्रममा अहिले काठमाडौं महानगरपालिका वडा नं १ नक्साल र वडा नं ३२ को मत गणना शुरु गरिएको छ ।
तयारी भइरहँदा राष्ट्रिय सभागृह परिसरको माहोल र राष्ट्रिय सभागृह बाहिर भने भिड बढ्दै गएको छ । गणना ढिला हुँदै जाँदा पत्रकारहरु बिहानैदेखि समाचार संप्रेषणको लागि कुरीरहेका छन् भने विभिन्न दल र उमेद्वारका समर्थकहरु सभागृह आउने क्रम जारी छ।
मतगणनास्थलमा प्रमुख पार्टीका ६ जनासम्म प्रतिनिधि बस्न दिने निर्णय भएको छ । सान दल र स्वतन्त्र उम्मेदवारले पनि प्रमुख दलकै प्रतिनिधि पाउनुपर्ने भन्दै विरोध गरेका छन् ।
३ लाखभन्दा बढी मतदाता रहेको महानगरमा १ लाख ८९ हजार मत खसेको काठमाडौं जिल्ला निर्वाचन अधिकृत प्रेमप्रसाद पौडेलले जानकारी दिएका छन् । फोटो : सुनिल शर्मा/आर्थिक अभियान
