लमजुङ टक्सारकाे दलित बस्ती पहिरोको जोखिममा

लमजुङको क्व्होलासोंथर गाउँपालिका -९ टक्सार गाउँको दलित बस्ती पहिरोको जोखिममा परेको छ । निरन्तरको वर्षाका कारण गाउँको विभिन्न ठाउँमा पहिरो झरेपछि स्थानीय त्रसित भएका छन् । पहिरोका कारण गाउँको सामुदायिक भवन, घर जोखिममा रहेको स्थानीयले बताएका छन् । स्थानीय इमप्रसाद गुरुङका अनुसार गाउँको पूर्वतिर र पश्चिमतिरबाट पहिरोले घेरेको छ । गाउँको माथिल्लो दलित बस्ती टोलनजिकै पहिरो झरेको छ । शुक्रबार र शनिबार परेको पानीका कारण गाउँको नजिकै पहिरो आएको छ । गत वर्ष मात्र दलित सामुदायिक भवन बनाएको गाउँमा पहिरो जाँदा, बगाउने अवस्थामा रहेको उहाँले बताउनुभयो ।