काठमाडौं । निर्धन उत्थान लघुवित्त वित्तीय संस्था लिमिटेडले चालू आर्थिक वर्षको तेस्रो त्रैमासिक वित्तीय विवरण सार्वजनिक गरेको छ ।
विवरणअनुसार कम्पनीको खुद नाफा गत आवको तेस्रो त्रैमासको तुलनामा चालू आवको सोही अवधिमा ९४ दशमलव ५२ प्रतिशत घटेको छ । गत आवमा रू. ८० करोड २६ लाख नाफा कमाएको कम्पनीले चालू आवमा रू. ४ करोड ४० लाखमात्र नाफा कमाएको हो । चालू आवमा कम्पनीको खुद ब्याज आम्दानी, सञ्चालन नाफा घटेको र निष्क्रिय कर्जा बढेकाले नाफा घटेको हो ।
गत आवको तुलनामा चालू आवमा कम्पनीको खुद ब्याज आम्दानी १० प्रतिशत र सञ्चालन नाफा ९४ दशमलव ३७ प्रतिशत घटेको हो । त्यस्तै कम्पनीको निष्क्रिय कर्जा गत आवमा ३ दशमलव ३३ प्रतिशत रहेकोमा चालू आवमा १२ दशमलव शून्य ९ प्रतिशत पुगेको छ ।
चुक्तापूूँजी रू. २ अर्ब ६१ करोड रहेको कम्पनीको जगेडामा रू. १ अर्ब ८३ करोड, रिटेन्ड अर्निङमा रू. ९ करोड २३ लाख र शेयर प्रिमियममा रू. ५ लाख १० हजार सञ्चित छ । नाफासँगै कम्पनीको प्रतिशेयर आम्दानी पनि घटेको छ ।
गत आवमा कम्पनीको प्रतिशेयर आम्दानी रू. ४८ दशमलव ७६ रहेकोमा चालू आवमा रू. २ दशमलव २५ मा झरेको छ । त्यस्तै चालू आवमा कम्पनीको प्रतिशेयर आम्दानी अनुपात २७७ दशमलव ७८ गुणा, तरलता अनुपात १२ दशमलव ८७ प्रतिशत र प्रतिशेयर नेटवर्थ रू. १७३ दशमलव ७६ रहेको छ ।
रिपोर्ट हेर्न यहाँ क्लिक गर्नुहोस्
