दाङ – दाङमा गएको वर्ष असार १५ भित्र जिल्लामा झण्डै ७० प्रतिशत धान रोपाई सकिएको थियो । तर, यसपाली भने जम्मा १० प्रतिशत मात्रै धान रोपाई भएको छ । असार लागीसक्दा पनि पश्चिम क्षेत्रमा ढिलोगरी वर्षा भित्रिएको छ । जसले गर्दा यसपालीको धान रोपाई ढिला भएको छ । आकाशेपानी पानीको भरमा धान रोप्ने ठाउँमा खेती […]
साउन ९, चितवन । चितवनमा साउनको पहिलो सातासम्म ९२ प्रतिशत रोपाई सकिएको छ भने ८ प्रतिशत धान रोपाई गर्न बाँकी रहेको छ ।
कृषि ज्ञान केन्द्र चितवनका अनुसार चितवनका सात स्थानीय तह मध्ये भरतपुर महानगरपालिकामा १० प्रतिशत र माडी नगरपालिकामा ५ प्रतिशत रोपाई गर्न बाँकी रहेको छ ।
पूर्वी चितवनका स्थानिय तहमध्ये राप्ती नगरपालिका, खैरहनी नगरपालिका, रत्ननगर नगरपालिका, कालीका नगरपालिका र इच्छाकामना गाउँपालिकामा सबै रोपाई सकिएको कृषि ज्ञान केन्द्र, चितवनका प्रमुख राजन ढकालले जानकारी दिए ।
उनका अनुसार चितवनका सात स्थानीय तहमध्ये भरतपुर महानगरपालिकाको धानयोग्य जमीन झण्डै आधा क्षेत्रफल ओगटेको छ । ‘भरतपुरकोे अन्य स्थानमा रोपाई सकिएपनि पश्चिम क्षेत्रमा मकै थन्क्याउन र धानको बीउनै ढिला राख्ने गर्छन ढकालले भने, सिँचाईको सुविधापनि त्यतातिर ढिलानै हुन्छ ।’
पूर्वी चितवनका अधिकांश क्षेत्रतिर चैते धान थन्क्याएर लगत्तै बर्खे धान लगाईने भएकोले चाँडो रोपाई शुरु हुने र चाँडैनै सकिने उनले बताए । प्रधानमन्त्री कृषि आधुनिकिकरण परियोजना, चितवनका सूचना अधिकारी माधव पौडेलले चितवनमा अधिकांश पालिकामा धान रोपाई सकिएको र साउनको दोस्रो सातासम्म चितवनका सबै क्षेत्रमा धान रोपाई सकिने जानकारी दिए । ‘सिँचाई, बोरिङ, र नियमित बर्षा भएकोले पनि धान रोपाई समयमै सकिन्छ पौडेलले भने, अहिले मल, बीउको अभाव पनि त्यस्तो देखिएन ।’ पूर्वी चितवनको रत्ननगरपालिकाको केही स्थानहरुमा बाढीले धान बगाएको कारण किसानले छरुवा धान लगाएको पौडेलले बताए । यो वर्ष मौसम अनुकुल र रोग किराको प्रकोप नदेखिएकाले उत्पादन पनि राम्रो हुने उनको भनाइ छ ।
चितवनको खेतीयोग्य जमिनमध्ये वर्षभरि र मौसमी गरी जम्मा ७२ दशमलव ७ प्रतिशत जमिनमा सहजै सिँचाइ पुगेको ज्ञान केन्द्रले जानकारी दिएको छ । गत वर्ष २७ हजार ४४५ हेक्टर क्षेत्रफलमा बर्खे र चैते गरी धानखेती भएको थियो । जस अनुसार चैते धानको उत्पादकत्व प्रति हेक्टर ४ दशमलब २ मेट्रिक टन रहेको छ भने वर्षे धान प्रति हेक्टर उत्पादकत्व ३ दशमलव ५२ रहेको छ ।
मकवानपुर जिल्ला समेत हेर्दै आएको ज्ञानकेन्द्रले त्यहाँका १० ओटा स्थानीय तहमा ९५ प्रतिशत धान रोपाई सकिएको जानकारी दिएको छ ।
काठमाडौं। प्रदेश नम्बर २ मा अहिलेसम्म जम्मा १० प्रतिशत धान रोपाईं सम्पन्न भएको छ। कृषि तथा पशुपन्छी मन्त्रालयका अनुसार आजसम्म जम्मा १० प्रतिशत क्षेत्रमा रोपाई सकिएको हो। प्रदेशमा ३ लाख ६५ हजार क्षेत्रफलमा धान खेती हुँदै आएको छ। यसमध्ये अहिलेसम्म ३८ हजार ५८६ क्षेत्रफलमा मात्रै रोपाईं सकिएको छ।
काठमाडौं। नेपालका सात वटा प्रदेशमध्ये कर्णाली प्रदेशमा सबैभन्दा बढी धान रोपाइँ सम्पन्न भएको छ। कृषि तथा पशुपन्छी विकास मन्त्रालयका अनुसार हालसम्म कर्णालीमा ६२ प्रतिशत भूभागका रोपाई सकिएको छ। कर्णालीमा ३८ हजार ३८५ क्षेत्रफलमा धान रोपिँदै आएको छ। जसमध्ये आजसम्म २३ हजार ८५० क्षेत्रफलमा धान रोपिएको बताइएको छ। यसैगरी हालसम्म सबैभन्दा प्रदेश–२ मा जम्मा १० प्रतिशत भूभागमा रोपाई सकिएको छ।
असार ९ पर्वत । पर्वतमा कोरोना कहरकैबीच हालसम्म १० प्रतिशत धान रोपाई सम्पन्न भएको छ । किसानहरु कोरोनाका कारण घरभित्रै बस्नुपर्दा जिल्लामा रोपाई धमाधम हुन नसकेको कृषि ज्ञान केन्द्रले जानकारी दिएको छ ।
अघिल्लो वर्ष पनि कोरोनाकै कारण रोपाई प्रभावित भएको थियो । पछिल्लो हप्ता कोरोना संक्रमित घट्न थालेपछि किसानहरु धान रोपाईमा व्यस्त बन्न थालेका छन् ।
समथर र उच्च पहाडी स्थानमा रोपाई शुरु भएको छैन । धेरैजसो स्थानमा मकै थन्क्याएर धान रोप्ने चलन रहेको छ । कृषि ज्ञान केन्द्रका प्रमुख मनिता थापाले मकै नलगाएको खेतमा मात्रै रोपाई भइरहेको बताइन् । उनले कोरोनाको कहर कम हुँदै गएपछि किसानहरु खेतबारीको काममा निस्किन थालेको जानकारी दिइन् ।
ज्ञान केन्द्रका अनुसार जिल्लाको मोदी, जलजला, पैयुँ र फलेवासका खोला किनारका खेतमा धान रोपिएको छ । आकाशे पानीको भरमा रोपाई गर्नुपर्ने स्थानमा पनि यसपाली वर्षा अनुकुल हुने पूर्वानुमान रहेकाले किसानहरु सहजै धान रोपाई गर्न पाईने अपेक्षामा छन् ।
पर्वतमा २८ हजार हेक्टरभन्दा बढि खेतीयोग्य जमिन रहेकोमा करीब ९ हजार २१ हेक्टरमा धान रोप्ने गरिएको छ । पर्वतमा गुडुरा, मार्सी, खुमलटार, पहेँले, जेर्नेली, अनदी, जेठोबुढो, एक्ले लगायतका धानका जात लगाउने गरिन्छ । पछिल्लो समय किसानहरुले उन्नत जातका धान समेत लगाउँदै आएका छन् ।
झापामा असार मसान्तसम्ममा गत वर्षभन्दा १० प्रतिशत कम रोपाई भएको छ । असार अन्तिम सम्ममा जिल्लामा ६५ प्रतिशत रोपाइँ भएको कृषि ज्ञान केन्द्र झापाले जानकारी दिएको छ । गत वर्ष यो अवधिमा ७५ प्रतिशत रोपाइँ भएको कृषि ज्ञान केन्द्र झापाका प्रमुख सागर विष्टले बताउनु भयो ।
