काठमाडौं । सूर्योदय वोमी लघुवित्त वित्तीय संस्था लिमिटेडले संस्थापकतर्फको १ लाख ६ हजार ९०० कित्ता संस्थापक शेयर असार ६ देखि विक्रीमा ल्याएको छ ।
कम्पनीले प्रतिकित्ता रू. २१७ अंकित मूल्यमा उक्त शेयर विक्रीमा ल्याएको हो । असार १३ गतेसम्म विक्रीमा रहने यो शेयर खरीदका लागि इच्छुक विद्यमान संस्थापक शेयरधनी तथा अन्य जो कोही व्यक्ति वा संस्थाहरूले आवेदन दिन सक्नेछन् ।
कम्पनीले यसअघि विद्यमान संस्थापक शेयरधनीहरूले मात्र खरीद गर्न पाउने गरी शेयर विक्री खुला गरेको थियो । सो अवधिमा विद्यमान संस्थापक शेयरधनीहरूबाट आवेदन प्राप्त नभएपछि अन्य व्यक्ति तथा संस्थाहरूले समेत खरीद गर्न पाउने गरी शेयर विक्री खुला गरिएको हो ।
शेयर खरीदका लागि आवेदन पेश गर्दा तोकिएको मूल्य वा सोभन्दा बढी मूल्य अंकित गर्नुपर्नेछ । न्यूनतम १०० कित्तादेखि अधिकतम सम्पूर्ण कित्तासम्म माग गरी आवेदन पेश गर्न सकिनेछ । यो शेयर विक्री प्रबन्धकमा एनआईसी एशिया क्यापिटल लिमिटेड छ ।
सूचना हेर्न यहाँ क्लिक गर्नुहोस
