काठमाडौं। जेठ ६ गते हुने राष्टियसभा उपनिर्वाचनको मतदान केन्द्रमा खटिने कर्मचारी,सुरक्षाकर्मी,स्वयंसेवक, मतदान प्रतिनिधिहरु सबैले अनिवार्य रुपमा पीपीई लगाउनु पर्ने व्यवस्था गरिएको छ। निर्वाचन आयोगले आज स्वीकृत गरेको उपनिर्वाचन स्वास्थ्य सुरक्षा मापदण्ड उक्त व्यवस्था गरिएको हो। मतदाताले मतदानस्थल वा केन्द्रमा रहँदा कम्तीमा २ मीटरको दूरी कायम गर्नुपर्ने र सबैले अनिवार्य रुपमा फेसशिल्ड, पञ्जा र मास्क लगाउनु पर्ने निर्वाचन आयोगले जनाएको छ।
