पहिलो पोस्ट

कार्तिक २०७९

ग्रिजमन शैलीले चम्किँदै फ्रान्स : बिजुली कुदाई र ‘हाइब्रिड एसिस्ट’

फुटबलमा जितहार 'स्कोर'बाटै निर्धारण हुन्छ। कसले कति स्कोर गर्‍यो? विपक्षीको पोस्टमा कति गोल वर्षायो – त्यहीअनुसार टिम र खेलाडीको रेटिङ बढ्छ। त्यसैले स्ट्राइकरसँग, सेन्टर ब्याक, राइट ब्याक र लेफ्ट ब्याकमा उत्रिएका खेलाडीहरु पनि विपक्षीको पोस्टमा आफ्नो प्रहार परोस् भनेर प्रेरित हुन्छन्। कतार विश्वकप २०२२ मा अहिले सर्वाधिक चर्चामा रहेका दुई खेलाडी…

पूर्ण विवरण

सम्बन्धित सामग्री

युरोपमा चर्कियो ऊर्जा संकट

बिजुली र ग्यासको प्रयोग नघटाएमा युरोपमा चरम ऊर्जा संकट हुने र विभिन्न मुलुकमा लोडसेडिङ हुने देखिएको छ । रुसले नर्डस्ट्रिम–१ पाइपलाइनमार्फत आपूर्ति हुँदै आएको ग्यास पूर्ण रूपमा कटौती गरिदिएपछि युरोपभर आगामी जाडोयाममा लोडसेडिङ हुने देखिएको हो । ऊर्जाको प्रयोग नघटाएमा जाडोयाममा बेल्जियम, जर्मनी, फ्रान्स, बेलायत, स्पेन, स्विट्जरल्यान्ड यूकेलगायत दर्जनौं मुलुकमा लोडसेडिङ हुने अधिकारीहरूले जनाएका छन् ।

कान्तिपुर श्रावण २०७९

मध्य अफ्रिकी गणतन्त्रमा बिट्क्वाइन बन्यो आधिकारिक मुद्रा

वैशाख १५, ब्याङ्गुई (मध्य अफ्रिकी गणतन्त्र) । मध्य अफ्रिकी गणतन्त्रले बिट्क्वाइनलाई मुद्राको रुपमा कानूनी मान्यता दिएको छ । यसो गर्ने यो दोस्रो देश बनेको छ । यो विश्वको सबैभन्दा गरिब देशमध्ये पर्दछ । तर उसँग हिरा, सुन र युरेनियम प्रशस्तै छ । दशकौं देखि चलिरहेको युद्धका कारण यो देशको अर्थतन्त्र चौपट भएको छ । बुधवार मध्य अफ्रिकी गणतन्त्रका नीतिनिर्माताहरुले बिट्क्वाइनलाई कानूनी मान्यता दिने निर्णयलाई सर्वसम्मत रुपमा पारित गरेका छन् । बहुपक्षीय कर्जादाता निकाय अन्तरराष्ट्रिय मुद्रा कोष र कयौं अर्थशास्त्रीहरुले विरोध गरिरहेकै बीचमा एल साल्भाडोर गत वर्ष बिट्क्वाइनलाई कानूनी मान्यता दिने विश्वकै पहिलो देश बनेको थियो । बिट्क्वाइन जस्ता क्रिप्टोकरेन्सीहरु सम्पत्ति शुद्धिकरण लगायत गैरकानूनी गतिविधिहरुमा प्रयोग हुने र यसले वित्तीय अस्थीरताको जोखिम बढाउने चिन्तातर्फ पनि विज्ञहरुले औंल्याइरहेका छन् । यस्ता मुद्राले ठूलो परिमाणमा बिजुली खपत गर्ने र यसले वातावरणलाइ प्रदूषित बनाउने चिन्ता पनि छ । अहिले मध्य अफ्रिकी गणतन्त्रले फ्रान्स समर्थित सीएफए फ्र्याङकलाई आफ्नो मुद्राको रुपमा प्रयोग गरिरहेको छ । बिट्क्वाइन अपनाउनुलाई केहीले सीएफएलाई कमजोर बनाउने प्रयासको रुपमा हेरेका छन् । यो निर्णयप्रति स्थानीयहरुले मिश्रीत प्रतिक्रिया दिइरहेका छन् । केहीले स्मार्टफोनबाटै कारोबार हुने भएकोले सामान किन्न झोला भरी सीएफए फ्रयाङ्क लैजानु पर्ने झन्झट नहुने भन्दै खुसी व्यक्त गरिरहेका छन् । केहीले भने बिट्क्वाइन अपनाउनुलाई अपरिपक्व र गैरजिम्मेवारपूर्ण व्यवहार बताइरहेका छन् । सन् १९६० मा स्वतन्त्र भएयता अहिलेसम्म पनि मध्य अफ्रिकी गणतन्त्र द्वन्द्वबाट आक्रान्त छ । तर पछिल्लो समय फाउस्तन–आर्काज तोउदेराले राष्ट्रपतिको कार्याभार सम्हालेयता मध्य अफ्रिकी गणतन्त्रले फ्रान्ससँगको साठगाँठ विस्तारै घटाएर रुससँग बढाउने नीति अपनाइरहेको छ । एजेन्सी

Aarthik Abhiyan चैत्र २०७८

कार्यलय समय बाहिर हाकिमले कर्मचारीलाई सम्पर्क गर्नु गैरकानूनी...

मंसिर २, लिस्बन (पोर्चुगल) । पोर्चुगलले नयाँ श्रम कानून पारित गरेको छ । यसमा कार्यालय समय बाहिर कर्मचारीलाई सम्पर्क गर्न हाकिमहरुलाई बन्देज लगाइएको छ । नयाँ श्रम कानूनलाई यही महीनाको शुरुमा पोर्चुगलको संसदले पारित गरेको हो । कोरोना भाइरसको महामारीबीच घरबाटै काम गर्ने मानिसहरुको संख्या बढेकै समयमा नयाँ कानून ल्याइएको हो । नयाँ श्रम कानून प्रस्ताव गर्ने डकुमेन्ट अक्टोबरको अन्त्यमा सार्वजनिक गरिएको थियो । यसमा कामदारहरुलाई कम्तिमा पनि ११ घन्टा निरन्तर रात्रीकालीन आरामको अधिकार भएको उल्लेख गरिएको छ । यस अवधिमा उनीहरुलाई आकस्मिक नै नपर्दासम्म हस्तक्षेप गर्न नहुने भनेर बताइएको छ । कानूनमा कर्मचारीहरुको वर्क–फ्रम–होमको लागि लाग्ने इन्टरनेट र बिजुली जस्ता खर्चहरु पनि बेहोर्नु पर्ने भनेर उल्लेख गरिएको छ । यस बाहेक, हाकिमहरुले हरेक दुई महीनाका कर्मचारीहरुलाई आमुने सामुने भेटघाट गर्न सक्ने बताइएको छ । महामारीले टेलिकम्युनिकेटिङलाई ‘गेम चन्जर’को रुपमा देखाएको र कर्मचारीहरुलाई कहाँबाट अनि कसका लागि काम गर्न चाहेको हो भन्ने निर्णय गर्ने अधिकार पनि दिएको पोर्चुगलका श्रम मन्त्री मेन्देस गोदिन्होले हालै लिस्बनमा भएको एक अनलाइन सम्मेलनमा भनेका थिए । कानूनको पालना नगर्ने रोजगारदाताहरुलाई जरिवाना पनि तिराउन सकिनेछ । तर यो कानून १० जना वा सो भन्दा कम संख्यामा कर्मचारी भएका कम्पनीहरुमाथि लागू हुने छैन । यद्यपि, प्रस्तावित सबै नियमहरुलाई कानून निर्माताहरुले अनुमोदन गरेका छैनन् । कर्मचारीहरुलाई दिनको अन्त्यमा काम गर्ने उपकरणलाई डिस्कनेक्ट गर्ने वा बन्द गर्ने अधिकार दिने प्रस्तावलाई पारित गरिएको छैन । फ्रान्स र स्पेन लगायत केही यूरोपेली देशहरुले कर्मचारीहरुलाई केही स्वरुपमा ‘डिस्कनेक्ट गर्ने अधिकार’ दिने कानून ल्याएका छन् । बेलायतमा पनि यसको लागि आवाज उठिरहेको छ । कोरोना भाइरसको महामारीबीच मानिसहरुले घरबाट लामो समय काम गरिरहेको पछिल्लो समय सार्वजनिक भएका कयौं डेटाहरुले देखाएका छन् ।

Aarthik Abhiyan कार्तिक २०७८