फागुन ३, काठमाडौं । जापानी अन्तरराष्ट्रिय सहयोग नियोग (जाइका) ले नेपाल प्रमुखमा अकिमुत्सो अकिबुलाई नियुक्त गरेको छ ।
यसअघिका प्रमुख युमिको आसाकुमाको कार्यकाल सकिएलगत्तै अकिबुलाई नेपाल प्रमुखमा पठाइएको जाइकाद्वारा मंगलवार जारी विज्ञप्ति उल्लेख छ । यसअघि अकिबु जाइकाकै टोकियोस्थित मूख्यालयमा बरिष्ठ प्रतिनिधिमा रहेका थिए ।
सन् २०२१ देखि जाइकामा प्रवेश गरेका अकिबुले त्यहाँको विभिन्न विभाग सम्हाल्नुका साथै भूटान, म्यानमार, कम्बोडियास्थित जाइकाको कार्यालयमा प्रमुखको भूमिका पनि निर्वाह गरिसकेका छन् ।
नेपालमा जाइका प्रमुख हुन पाएकामा खुशी व्यक्त गर्दै अकिबुले नेपाल र नेपालीको उत्तरोत्तर प्रगति र विकासमा सहयोग गर्दै जाइकाको मूल नारा ‘विश्वलाई विश्वासका साथ नेतृत्व’ लाई प्रगाढ गर्दै लैजाने प्रतिबद्धता व्यक्त गरेको पनि विज्ञप्तिमा उल्लेख छ ।
